Святочны тыдзень у ГрДУ імя Янкі Купалы завяршыўся, але ў нас яшчэ засталіся цікавасці для купалаўцаў. Расказваем, як у рамках комплексу мерапрыемстваў, прысвечаных 82-й гадавіне з дня заснавання ўніверсітэта, прайшоў інтэлектуальны турнір «Мой універсітэт» сярод каманд студэнтаў і выкладчыкаў.
Тэматыка турніру была прысвечана гісторыі Купалаўскага ўніверсітэта: цікавыя гістарычныя факты аб развіцці структурных падраздзяленняў, пытанні гісторыі нашай alma mater у асобах, універсітэт сёння, тур "Медыяазбука", а таксама пытанні на кемлівасць. У мерапрыемстве прынялі ўдзел 12 каманд.
Лідарамі ў турніры сталі тры каманды юрыдычнага факультэта. Дастойна прадставілі свае факультэты: факультэт інавацыйных тэхналогій машынабудавання, факультэт гісторыі, камунікацыі і турызму, факультэт матэматыкі і інфарматыкі, факультэт псіхалогіі і інжынерна-будаўнічы факультэт.
Пераможцам былі ўручаны дыпломы і салодкія падарункі ад прафсаюзнага студэнцкага камітэта ўніверсітэта.
Арганізатары мерапрыемства – аддзел культурна-масавай і забаўляльнай дзейнасці ўпраўлення выхаваўчай работы з моладдзю і прафкам студэнтаў.
Гродзенскі дзяржаўны ўніверсітэт імя Янкі Купалы