Фізіка-тэхнічнаму факультэту спаўняецца 28 год! І на факультэце вырашылі маштабна адзначыць гэтую падзею і запланавалі цэлую серыю мерапрыемстваў.
У рамках святкавання Дня нараджэння фізіка-тэхнічны факультэт запросіць у госці школьнікаў і правядзе для іх экскурсіі. Рабят чакаюць 2 красавіка ў 14.00. Для іх правядуць экскурсіі па лабараторыях факультэта па адрасах: вуліца Сацыялістычная, 12, Ажэшкі 22, БЛК, 5. У гэты ж дзень адбудзецца алімпіяда па фізіцы ў навучальным корпусе па вуліцы Урублеўскага,33.
Дарэчы, падчас школьных канікул на ўсіх факультэтах запланаваны прафарыентацыйныя мерапрыемствы - У ГрДУ імя Янкі Купалы праходзяць дні адчыненых дзвярэй. Кожны дзень напоўнены прафарыентацыйнымі інтэнсівамі, яркімі прэзентацыямі і актыўнымі дыялогамі.
Старшакласнікі змогуць стаць удзельнікамі розных майстар-класаў і прафесійных спроб, пабываць на экскурсіях у навучальных карпусах і лабараторыях універсітэта, адчуць сябе студэнтамі, пабываўшы на лекцыях. З падрабязнай інфармацыяй аб мерапрыемствах праграмы можна азнаёміцца на abit.by і факультэце даўніверсітэцкай падрыхтоўкі.
Але вернемся да Дня нараджэння фізіка-тэхнічнага факультэта! Сёння ў навучальным корпусе па вуліцы Урублеўскага, 33, у фае працавала віншавальная пляцоўка, а ў 13.00 у буфеце купалаўцаў пачаставалі святочным тортам.
4 красавіка пройдзе турнір па шахматах і шашках з 13.00 да 15.00 у навучальным корпусе па вуліцы Урублеўскага, 33.
5 красавіка адбудуцца спаборніцтвы зборных каманд факультэта па футболе ў 16.40 у навучальным корпусе па вуліцы Захарава, 32.
7 красавіка пройдзе Міжнародная навукова-практычная канферэнцыя аспірантаў, магістрантаў і студэнтаў "Фізіка кандэнсаванага стану". Пачатак а 10-й гадзіне ў галоўным корпусе.
Завершыцца святочны тыдзень 8 красавіка святочным канцэртам у актавай зале па вуліцы Леніна, 32, у 15.00.
Гродзенскі дзяржаўны ўніверсітэт імя Янкі Купалы