На фізіка-тэхнічным факультэце Купалаўскага ўніверсітэта прайшла юбілейная ХХХ Міжнародная навукова-практычная канферэнцыя аспірантаў, магістрантаў і студэнтаў "Фізіка кандэнсаванага стану", якая аб'яднала больш за 100 удзельнікаў.
Фізіка-тэхнічны факультэт прадаставіў пляцоўкі для навуковых дыскусій і забяспечыў узаемадзеянне і абмен інфармацыяй паміж маладымі вучонымі з Казахстана, Узбекістана, Расіі, Беларусі, Ірака і іншых краін.
У рамках работы чатырох тэматычных секцый удзельнікі абмяркоўвалі праблемы, якія адлюстроўваюць сувязі паміж малекулярнай структурай, складам, дэфектнасцю і фізічнымі ўласцівасцямі розных рэчываў, кандэнсаваных станаў у тэхніцы, а таксама пытанні, звязаныя з методыкай вывучэння фізікі кандэнсаванага стану.
Канферэнцыя праводзілася ў рамках мерапрыемстваў, прысвечаных святкаванню Дня Нараджэння фізіка-тэхнічнага факультэта.
Гродзенскі дзяржаўны ўніверсітэт імя Янкі Купалы