24 чэрвеня ў савеце па абароне дысертацый Да 02.14.02 пры ГрДУ імя Янкі Купалы адбыліся абароны дзвюх дысертацый на суісканне вучонай ступені кандыдата фізіка-матэматычных навук.
Старшы выкладчык кафедры матэматычнага аналізу і дыферэнцыяльных ураўненняў установы адукацыі «Гомельскі дзяржаўны ўніверсітэт імя Францыска Скарыны» Рабчанка Наталля Валер'еўна абараніла кандыдацкую дысертацыю на тэму «Апраксімацыі Эрміта – Падзе і іх дадаткі» па спецыяльнасці 01.01.01 – рэчавы, комплексны і функцыянальны аналіз. Навуковы кіраўнік - Старавойтаў А.П., доктар фізіка-матэматычных навук, прафесар, прафесар кафедры матэматычнага аналізу і дыферэнцыяльных ураўненняў установы адукацыі "Гомельскі дзяржаўны ўніверсітэт імя Францыска Скарыны".
Выкладчык кафедры геаметрыі і матэматычнага аналізу ўстановы адукацыі “Віцебскі дзяржаўны ўніверсітэт імя П.М. Машэрава» Чарняўскі Міхаіл Міхайлавіч абараніў кандыдацкую дысертацыю на тэму «Новыя тэарэтыка-функцыянальныя метады знаходжання каранёў алгебраічных паліномаў» па спецыяльнасці 01.01.01 – рэчавы, комплексны і функцыянальны аналіз. Навуковы кіраўнік – Трубнікаў В.Ю., доктар фізіка-матэматычных навук, прафесар, прафесар кафедры геаметрыі і матэматычнага аналізу ўстановы адукацыі “Віцебскі дзяржаўны ўніверсітэт імя П.М. Машэрава».
Гродзенскі дзяржаўны ўніверсітэт імя Янкі Купалы