Па выніках пасяджэння Прэзідыума Вышэйшай атэстацыйнай камісіі Рэспублікі Беларусь 11 студзеня 2023 года прысуджаны вучоныя ступені кандыдата юрыдычных навук і настрыфікаваны дыплом кандыдата педагагічных навук.
Вучоная ступень кандыдата юрыдычных навук прысуджана Віктару Вараб'ёву, старшаму выкладчыку кафедры крымінальнага права і працэсу ГДУ імя Ф. Скарыны, выпускніку аспірантуры ўніверсітэта. Абарона дысертацыі "Прэюдыцыя ў крымінальным працэсе" па спецыяльнасці 12.00.09 – крымінальны працэс адбылася 22 верасня 2022 года ў савеце па абароне дысертацый Да 06.01.01 пры ўстанове адукацыі "Акадэмія Міністэрства ўнутраных спраў Рэспублікі Беларусь". Навуковы кіраўнік -Уладзімір Соркін, кандыдат юрыдычных навук, дацэнт, дацэнт кафедры крымінальнага права, крымінальнага працэсу і крыміналістыкі Купалаўскага ўніверсітэта.
Вучоная ступень кандыдата юрыдычных навук прысуджана Вікторыі Халупко, старшаму выкладчыку кафедры грамадзянскага права і працэсу, выпускніцы аспірантуры ўніверсітэта. Абарона дысертацыі "Прававое рэгуляванне дзейнасці па вытворчасці сельскагаспадарчай прадукцыі нясельскагаспадарчымі арганізацыямі" па спецыяльнасці 12.00.06 – зямельнае права; прыродарэсурснае права; экалагічнае права; аграрнае права адбылася 06.06.2022 у савеце па абароне дысертацый Да 02.01.01 пры Беларускім дзяржаўным універсітэце. Навуковы кіраўнік - Іосіф Вялента, кандыдат юрыдычных навук, дацэнт.
Настрыфікаваны дыплом кандыдата педагагічных навук Ліліі Букша, старшага выкладчыка кафедры ўзроставай і педагагічнай псіхалогіі, выпускніцы аспірантуры ўстановы вышэйшай адукацыі "Маскоўскі педагагічны дзяржаўны ўніверсітэт" па спецыяльнасці 39.04.03 – арганізацыя работы з моладдзю. Навуковая ступень кандыдата педагагічных навук прысуджана рашэннем ад 07.10.2021 № 6 савета па абароне дысертацый пры ФДГАУ ВА "Балтыйскі федэральны ўніверсітэт імя Імануіла Канта". Тэма дысертацыі: "Педагагічнае суправаджэнне духоўна-маральнага развіцця будучага псіхолага".
Гродзенскі дзяржаўны ўніверсітэт імя Янкі Купалы