XXI адкрыты агульнаўніверсітэцкі танцавальны фестываль-конкурс «Стыль-dance - Энергія. Прыгажосць. Гармонія” прайшоў у ГрДУ імя Янкі Купалы.
20 красавіка напярэдадні міжнароднага дня танца Гродзенскі дзяржаўны ўніверсітэт імя Янкі Купалы гасцінна расчыніў дзверы для ўсіх актыўных, неабыякавых да танца студэнтаў нашага ўніверсітэта і гасцей мерапрыемства. Больш за 20 гадоў на сцэну Купалаўскага ўніверсітэта выходзяць самыя яркія танцоры нашага горада.
Удзельнікі конкурсу прадставілі нумары ў некалькіх намінацыях: "Free show", "Сола", "Дуэт" і "Street show".
Сольныя, дуэтныя і калектыўныя выступленні ўдзельнікаў ацэньвала кампетэнтнае і прафесійнае журы: начальнік аддзела культурна-масавай і забаўляльнай дзейнасці ўпраўлення выхаваўчай работы з моладдзю Маргарыта Рукша, кіраўнік студыі сучаснага танца "Break" нашага універсітэта, трэнер школы танцаў "Adept Crew" Юрый Кізер, дырэктар школы сучаснага танца “Адэпт”, выпускніца нашага ўніверсітэта Наталля Марасава, сакратар пярвічнай арганізацыі з правамі раённага камітэта грамадскага аб'яднання “Беларускі рэспубліканскі саюз моладзі” Вадзім Гунько, намеснік старшыні пярвічнай прафсаюзнай арганізацыі навучэнцаў нашага ўніверсітэта Лізавета Хамутоўская, старшыня Студэнцкага мастацкага факультэта , камунікацыі і турызму Віялета Шаблінская.
У намінацыі "Free show" пераможцам стаў неверагодны калектыў філалагічнага факультэта. Першае месца ў намінацыі «Сола» заваявала чароўная Аляксандра Ярашэвіч, студэнтка 3 курса факультэта гісторыі, камунікацыі і турызму. Пераможцамі ў намінацыі «Дуэт» стала зорная пара – Дар'я Маёрава, студэнтка 2 курса філалагічнага факультэта і Мацвей Гіль, студэнт 2 курса факультэта псіхалогіі. Першае месца ў намінацыі "Street show" узяў харэаграфічны калектыў "Stu-dance" Купалаўскага ўніверсітэта.
Пераможцы намінацый фестывалю-конкурсу былі ўзнагароджаны дыпломамі і кубкамі з эмблемай праекта.
Гродзенскі дзяржаўны ўніверсітэт імя Янкі Купалы