Купалаўцы прынялі ўдзел ва ўрачыстым мітынгу і ўсклалі кветкі да мемарыяла савецкім воінам, якія загінулі ў гады Вялікай Айчыннай вайны, у рамках рэспубліканскай студэнцкай патрыятычнай акцыі "З лампадай вечнага агню…." па месцах баявой славы Гродзеншчыны.
4 мая пяць вышэйшых навучальных устаноў Рэспублікі Беларусь прынялі ўдзел у патрыятычнай акцыі "З лампадай вечнага агню…". Сярод іх дэлегацыі гістарычных факультэтаў Беларускага дзяржаўнага ўніверсітэта, Беларускага дзяржаўнага педагагічнага ўніверсітэта імя Максіма Танка, Брэсцкага дзяржаўнага ўніверсітэта імя А. С. Пушкіна, Гомельскага дзяржаўнага ўніверсітэта імя Францыска Скарыны і факультэта гісторыі, камунікацыі і турызму Гродзенскага дзяржаўнага ўніверсітэта імя Янкі Купалы.
У рамках акцыі прадстаўнікі ўніверсітэтаў ажыццявяць паездкі па месцах баявых бітваў у першыя дні Вялікай Айчыннай вайны на тэрыторыі Гродзенскага раёна і ўшануюць памяць тых абаронцаў нашай Радзімы, якія цаной свайго жыцця, абараняючы межы нашай краіны, загінулі ў барацьбе з ворагам.
Удзельнікі акцыі падкрэслілі важнасць захавання гісторыі і культуры беларускага народа. Адзначылі значнасць такіх акцый у захаванні гістарычнай памяці народа і важнасці гэтага праекта для будучых педагогаў.
Гродзенскі дзяржаўны ўніверсітэт імя Янкі Купалы