4 чэрвеня адбыліся шостыя па ліку спаборніцтвы па бегу "Гарадзенская Вандроўка".
У праграму спаборніцтваў былі ўключаны дыстанцыі на 5 і 10 км, а таксама дзіцячыя забегі. Старт быў дадзены ад галоўнага корпуса ГрДУ імя Янкі Купалы. Маршруты забегаў праходзілі па цэнтральных вуліцах горада з фінішам на стадыёне "Нёман".
У свяце прынялі ўдзел 500 аматараў бегу. У забегу на 5 км студэнт факультэта фізічнай культуры Арцём Чамбровіч заняў 2-е месца. Сярод фінішэраў на дыстанцыі 10 км студэнтка факультэта фізічнай культуры Ганна Гетманчук. Дэкан факультэта фізічнай культуры Віталь Храмаў быў за крок ад пераможцаў на дыстанцыі 10 км ва ўзроставай групе 50-59 гадоў.
Купалаўскі ўніверсітэт выступіў суарганізатарам мерапрыемства сумесна з Упраўленнем спорту і турызму Гродзенскага аблвыканкама, Аддзелам спорту і турызму Гродзенскага гарвыканкама і ТАА «Таймінг Кампанія 42195». Больш за 30 студэнтаў факультэта фізічнай культуры ў складзе валанцёрскага атрада на чале з дацэнтам кафедры спартыўных дысцыплін Мікалаем Касянкам забяспечвалі правядзенне свята бегу.
Гродзенскі дзяржаўны ўніверсітэт імя Янкі Купалы