Гастранамічны фестываль «БелаЕжа» пройдзе з 20 па 21 верасня.
Студэнцкая Рада факультэта біялогіі і экалогіі сумесна з кафедрай тэхналогіі, фізіялогіі і гігіены харчавання праводзіць другі, традыцыйны, гастранамічны фестываль «БелаЕжа».
Гастранамічныя спаборніцтвы праходзяць пры падтрымцы адміністрацыі ўніверсітэта, першаснай прафсаюзнай арганізацыі навучэнцаў ГрДУ імя Янкі Купалы, ПА / РК ГА «БРСМ» у рамках Дня народнага адзінства на базе вучэбна-навукова-вытворчай лабараторыі тэхналогіі грамадскага харчавання, якая знаходзіцца па адрасе: вул.Ажэшкі, 22, аўд. 121.
Фестываль пройдзе ў два этапы: адборачны і фінальны.
Першы этап адбудзецца 20 верасня з 10:00 да 12:00. Удзельнікам неабходна будзе прыгатаваць стравы нацыянальнай кухні, зыходзячы з тэхналагічнай карты стравы.
Другі этап пройдзе 21 верасня, і гэта будзе фінал фестывалю, які вызначыць самых таленавітых і здольных кулінараў нашага ўніверсітэта.
Паспейце падаць заяўку і прыняць удзел у гастранамічным фестывалі Купалаўскага ўніверсітэта. Пакажыце сваё кулінарнае майстэрства!
Больш падрабязную інфармацыю можна даведацца па тэлефоне: +375(29)267-90-76.
Гродзенскі дзяржаўны ўніверсітэт імя Янкі Купалы