Тры дні напружаных і захапляльных спаборніцтваў у рамках папярэдняга этапу Кубка Рэспублікі Беларусь па валейболе пакінулі незабыўныя ўражанні ва ўсіх удзельнікаў і балельшчыкаў. Гэтыя спаборніцтвы аб'ядналі лепшых валейбалістаў краіны і сталі сапраўдным святам для ўсіх аматараў гэтага спорту.
У пятніцу, 13 кастрычніка, у спартыўнай зале Купалаўскага ўніверсітэта сустрэліся дзве каманды «Камунальнік-ГрДУ» (горад Гродна) і «Камунальнік-Магілёў» (горад Магілёў). Рэктар ГрДУ імя Янкі Купалы таксама прыйшла падтрымаць дзяўчат. Матч завяршыўся перамогай нашай каманды з лікам 3:0 (25:19, 25:22, 25:20). Каманда «Камунальнік-ГрДУ» прадэманстравала свае лепшыя гульнявыя навыкі і паказала, на што яна здольная.
У другі гульнявы дзень, 14 кастрычніка, паміж сабой спаборнічалі каманды «Камунальнік-Магілёў» (горад Магілёў) і «Атлант» (горад Баранавічы). Гульцы прадэманстравалі магутную гульню на полі і набралі вялікую колькасць ачкоў. Яны паказалі, што моцныя каманды і здольныя справіцца з любымі цяжкасцямі. Гульня завяршылася з лікам 3: 1 на карысць дзяўчат з Магілёва.
У нядзелю, 15 кастрычніка, наша каманда гуляла супраць каманды з горада Баранавічы «Атлант». Іх гульня была напружанай і насычанай яркімі момантамі. Кожны розыгрыш мяча суправаджаўся гучнымі апладысментамі і эмацыйнымі крыкамі падтрымкі ад балельшчыкаў. З лікам 3:0 перамогу атрымалі нашы дзяўчаты! Рахунак у партыях склаў 25:14, 25:12, 25:16.у партыях склаў 25:14, 25:12, 25:16.
Упартая праца, высокі ўзровень падрыхтоўкі і спартыўная тактыка дапамаглі камандзе «Камунальнік-ГрДУ» атрымаць перамогу. Яны паказалі сваю высокую гульнявую моц і годна прайшлі ў другі тур папярэдняга этапу Кубка Рэспублікі Беларусь.
Другі тур папярэдняга этапу адбудзецца з 2-га па 5-га лістапада на спартыўнай пляцоўцы Магілёва.
Гродзенскі дзяржаўны ўніверсітэт імя Янкі Купалы