Першая сустрэча ў 2023/2024 навучальным годзе ў рамках навучальнага семінара «Актуальныя пытанні ідэалагічнай і выхаваўчай работы ў Вышэйшай школе» адбылася на мінулым тыдні.
Галоўнай тэмай першага занятку ў рамках семінара стала абмеркаванне рэалізацыі рашэння калегіі Адміністрацыі Прэзідэнта Рэспублікі Беларусь па пытанні «Аб эфектыўнасці арганізацыі ідэалагічнай і выхаваўчай работы ва ўстановах вышэйшай адукацыі».
Таксама ўдзельнікі семінара пазнаёміліся з патрабаваннямі да вядзення дакументацыі па арганізацыі выхаваўчай работы, асноўнай праграмна-плануючай і справаздачнай дакументацыяй выхавання ва ўстанове вышэйшай адукацыі.
Навучальны семінар «Актуальныя пытанні ідэалагічнай і выхаваўчай работы ў вышэйшай школе» праводзіцца ва ўніверсітэце ўжо чацвёрты год з мэтай аказання інфармацыйнай і метадычнай дапамогі работнікам універсітэта, занятым у галіне ідэалагічнай і выхаваўчай работы.
Гродзенскі дзяржаўны ўніверсітэт імя Янкі Купалы