20 снежня ў Акадэміі кіравання пры Прэзідэнце Рэспублікі Беларусь адбылася цырымонія ўзнагароджання пераможцаў і лаўрэатаў конкурсу навуковых работ па тэорыі прадпрымальніцтва. Купалаўцы заваявалі Дыплом 2 ступені.
Арганізатарам конкурсу выступіла Акадэмія кіравання пры Прэзідэнце Рэспублікі Беларусь пры садзейнічанні Беларускага фонду фінансавай падтрымкі прадпрымальнікаў. Для ўдзелу ў конкурсе былі пададзены заяўкі ад студэнтаў і магістрантаў 10 ВНУ Рэспублікі Беларусь. Гэты конкурс праводзіцца ў адпаведнасці з мерапрыемствамі Дзяржаўнай праграмы «Малое і сярэдняе прадпрымальніцтва» на 2021–2025 гады, зацверджанай пастановай Савета Міністраў Рэспублікі Беларусь ад 29 студзеня 2021 года № 56.
Удзельнікі конкурсу прадставілі свае работы па наступнай праблематыцы: роля вытворчай кааперацыі ў развіцці эканомікі, інфраструктуру падтрымкі прадпрымальніцтва: інструменты і механізмы, лічбавая трансфармацыя малога і сярэдняга прадпрымальніцтва, бізнес-ідэі для якаснага росту эканомікі Рэспублікі Беларусь.
У склад журы дадзенага Конкурсу ўвайшла дэкан факультэта эканомікі і кіравання Марына Карпіцкая, якая займаецца праблематыкай у сферы жаночага прадпрымальніцтва і падтрымлівае рух студэнцкага навуковага таварыства ФЭУ ГрДУ імя Янкі Купалы.
Факультэт эканомікі і кіравання прадстаўлялі студэнты 4 курса спецыяльнасці «Інфармацыйныя сістэмы і тэхналогіі ў эканоміцы» Кацярына Зайцава і Мікалай Мельнікаў з праектам «Асноўныя фактары дыферэнцыяцыі па малым і сярэднім прадпрымальніцтве ў рэгіёнах Рэспублікі Беларусь» пад навуковым кіраўніцтвам дацэнта кафедры матэматычнага і інфармацыйнага забеспячэння эканамічных сістэм Лялікавай. Гэты праект быў распрацаваны ў рамках выкананай на кафедры навукова-даследчай тэмы ДПНД «Распрацоўка і прымяненне эканаметрычных мадэляў развіцця малога і сярэдняга прадпрымальніцтва ў рэгіёнах для аналізу і прагназавання вытворчасці і экспарту тавараў і паслуг».
Рэктар Акадэміі кіравання пры Прэзідэнце Рэспублікі Беларусь Вячаслаў Данілавіч уручыў купалаўцам Дыплом 2 ступені і сертыфікат на 1000 беларускіх рублёў.
Гродзенскі дзяржаўны ўніверсітэт імя Янкі Купалы