Напярэдадні Дня беларускай навукі маладыя вучоныя і аспіранты ГрДУ імя Янкі Купалы прынялі ўдзел у інфармацыйна-адукацыйным праекце "КРОК - Школа актыўнага грамадзяніна". Гэты праект штомесяц праводзіцца ў сярэднеадукацыйных установах Гродна і Гродзенскага раёна з мэтай прыцягнення моладзі да актыўнай грамадзянскай пазіцыі і папулярызацыі навуковых ведаў.
На гэты раз мерапрыемства было арганізавана для таго, каб маладыя вучоныя і аспіранты маглі падзяліцца сваімі ведамі і вопытам з навучэнцамі школ, натхняючы іх на вывучэнне навукі і пошук новых ведаў. Удзельнікі праекта правялі лекцыю і расказалі аб высокім узроўні развіцця айчыннай навукі.
Так, перад вучнямі гімназіі № 10 імя мітрапаліта Філарэта горада Гродна выступіў старшыня Савета маладых вучоных ГрДУ імя Янкі Купалы Аляксандр Горны, у сярэдняй школе № 35 імя М.А. Волкава горада Гродна выступіў намеснік старшыні Савета маладых вучоных Барыс Балахонаў, у сярэдняй школе нумар 34 горада Гродна – член Савета маладых вучоных Аляксандр Хаванскі, у сярэдняй школе нумар 3 імя Я.А. Шаўчэнка горада Скідзель – аспірант кафедры гісторыі Беларусі, археалогіі і спецыяльных гістарычных дысцыплін Кірыл Ананька. Маладыя навукоўцы расказалі школьнікам аб сваім шляху ў навуку, падзяліліся звесткамі аб уласных навуковых распрацоўках і дасягненнях, пазнаёмілі хлопчыкаў і дзяўчынак з навукова-даследчым патэнцыялам Купалаўскага ўніверсітэта.
Навучэнцы актыўна ўдзельнічалі ў мерапрыемстве, задавалі пытанні і праяўлялі цікавасць да прадстаўленых матэрыялаў. Удзел у праекце «КРОК – Школа актыўнага грамадзяніна» дазволіў маладым вучоным не толькі падзяліцца сваімі ведамі, але і натхніць школьнікаў на далейшае навучанне ў галіне навукі.
Гродзенскі дзяржаўны ўніверсітэт імя Янкі Купалы