Гродненский государственный университет имени Янки Купалы - Выкладчыкі факультэта псіхалогіі перамаглі ў конкурсе для работнікаў адукацыйных устаноў "Педагагічны пошук"

У Інстытуце педагогікі і псіхалогіі АГДПУ імя У.М. Шукшына ў горадзе Бійск (Расійская Федэрацыя) завяршыўся IV Усерасійскі конкурс для работнікаў адукацыйных устаноў "Педагагічны пошук". Супрацоўнікі Купалаўскага ўніверсітэта ў ліку пераможцаў міжнароднага конкурсу.

Мэта конкурсу - стварэнне ўмоў для рэалізацыі навукова-даследчага і метадычнага патэнцыялу работнікаў адукацыйных устаноў.

Па выніках конкурсу вучэбна-метадычны дапаможнік "Прафілактыка аўтадэструктыўных паводзін у падлеткавым узросце" аўтарскага калектыву выкладчыкаў кафедры ўзроставай і педагагічнай псіхалогіі Ліліі Даўкшы, Антаніны Сямак і Ганны Янчый - заваявала I месца ў напрамку "Псіхалагічнае суправаджэнне навучэнцаў і педагогаў".

У вучэбна-метадычным дапаможніку ў сістэматызаваным выглядзе прадстаўлена інфармацыя аб відах, фактарах рызыкі і маркерах аўтадэструктыўных паводзін у падлеткавым узросце, магчымасцях яго прафілактыкі і дапамогі ў пераадоленні ва ўмовах агульнаадукацыйнай установы.

Віншуем пераможцаў і жадаем новых поспехаў і дасягненняў у галіне педагогікі!