З 2 па 16 красавіка Паўночны (Арктычны) федэральны ўніверсітэт імя М.В. Ламаносава сумесна з факультэтам фізічнай культуры Гродзенскага дзяржаўнага ўніверсітэта імя Янкі Купалы праводзіць Міжнародную расійска-беларускую маладзёжную онлайн школу "Крок у навуку".
З прывітальным словам ад Купалаўскага ўніверсітэта выступіў Віталь Храмаў, дэкан факультэта фізічнай культуры. Лусіне Харазян, дацэнт кафедры тэорыі фізічнай культуры і спартыўнай медыцыны, якая з'яўляецца мадэратарам маладзёжнай школы, расказала пра парадак прыёму ў магістратуру Гродзенскага дзяржаўнага ўніверсітэта імя Янкі Купалы і арганізацыю адукацыйнага працэсу.
Удзельнікам школы прадстаўлена магчымасць паслухаць лекцыі пра “Публікацыйную актыўнасць маладога вучонага”, а таксама прайсці майстар-класы па падрыхтоўцы навуковых артыкулаў.
Арганізатары адзначылі важнасць правядзення дадзенага мерапрыемства для развіцця навукова-даследчай дзейнасці студэнтаў і маладых вучоных.
Гродзенскі дзяржаўны ўніверсітэт імя Янкі Купалы