25 красавіка на факультэце матэматыкі і інфарматыкі адбылася алімпіяда па матэматыцы сярод студэнтаў ГрДУ імя Янкі Купалы. У алімпіядзе прынялі ўдзел 49 студэнтаў 4 факультэтаў: матэматыкі і інфарматыкі, фізіка-тэхнічнага, інжынернага і эканомікі і кіравання.
Перад удзельнікамі алімпіяды з прывітальным словам выступілі дэкан факультэта матэматыкі і інфарматыкі Андрэй Праневіч і намеснік дэкана факультэта матэматыкі і інфарматыкі Таццяна Ванькова.
Купалаўцам было прапанавана вырашыць задачы, якія адпавядаюць прадметнай галіне «Матэматыка». Папярэднія звесткі, неабходныя ўдзельнікам для разумення і вырашэння заданняў алімпіяды, адпавядаюць дзеючым адукацыйным стандартам па спецыяльнасцях устаноў вышэйшай адукацыі Рэспублікі Беларусь і вучэбных праграмах па матэматычных дысцыплінах. Аднак для рашэння задач неабходна было праявіць творчыя здольнасці і прадэманстраваць нестандартнасць мыслення.
Вынікі падводзіліся ў асабістым заліку па дзвюх групах. У групе «А» спаборнічалі студэнты тых спецыяльнасцей, на якіх за ўвесь перыяд навучання вучэбнымі планамі прадугледжана больш за 440 аўдыторных гадзін па дысцыплінах матэматычнага цыкла, у групе «Б» - не больш за 440 аўдыторных гадзін.
Так, у групе «А» дыплом І ступені атрымаў студэнт факультэта матэматыкі і інфарматыкі Павел Цыркуновіч. Дыпломам ІІ ступені ўзнагароджаны студэнт фізіка-тэхнічнага факультэта Валерый Кардаш. Уладальнікам дыплома ІІІ ступені стаў студэнт факультэта матэматыкі і інфарматыкі Іван Скрыпінскі. Пахвальнымі лістамі ўзнагароджаны тры студэнткі факультэта матэматыкі і інфарматыкі Сабрын Халдзі, Арына Раманенка і Вікторыя Масэль, а таксама студэнтка фізіка-тэхнічнага факультэта Эма Швалюк.
У групе «Б» перамога дасталася студэнтцы факультэта эканомікі і кіравання Алене Вярцінскай. Дыпломы II ступені атрымалі два студэнты факультэта эканомікі і кіравання Аляксандр Кетрык і Кацярына Ральчэня, а таксама студэнтка факультэта матэматыкі і інфарматыкі Кацярына Марціновіч. Уладальнікамі дыпломаў ІІІ ступені сталі тры студэнты факультэта эканомікі і кіравання Эмілія Падгайская, Аляксандр Калодка і Васіль Сікора, а таксама студэнт факультэта матэматыкі і інфарматыкі Уладзіслаў Маскевіч. Пахвальнымі лістамі ўзнагароджаны студэнтка факультэта матэматыкі і інфарматыкі Юлія Хваль, студэнт фізіка-тэхнічнага факультэта Аляксандр Сухоцкі, студэнткі факультэта эканомікі і кіравання Ангеліна Журская і Вольга Коваль і студэнты інжынернага факультэта Аляксандр Дораш і Антон Худзік.
Гродзенскі дзяржаўны ўніверсітэт імя Янкі Купалы