25 мая на базе Акадэміі кіравання пры Прэзідэнце Рэспублікі Беларусь адбылося другое мерапрыемства сёмага набору лідарскай платформы "Каманда будучыні", арганізаванай маладзёжным парламентам пры Нацыянальным сходзе Рэспублікі Беларусь і маладзёжным грамадскім аб'яднаннем "Рух наперад". У мерапрыемстве прыняў удзел студэнт 3 курса юрыдычнага факультэта спецыяльнасці «Мытная справа» Уладзіслаў Курлянчык.
Для ўдзельнікаў быў арганізаваны трэнінг па майстэрстве невербальнай камунікацыі пад кіраўніцтвам намесніка старшыні камісіі па міжнародных справах Арцёма Мельніка, а таксама дзелавая гульня "Мадэль ЕАЭС" з выкарыстаннем методыкі мазгавога штурму. Рабяты падзяліліся на пяць каманд, кожная з якіх прадстаўляла адну з краін ЕАЭС. Удзельнікі мелі магчымасць абмеркаваць актуальныя міжнародныя праблемы, уступіць у палеміку, выпрацаваць канкрэтныя прапановы для вырашэння абазначаных пытанняў і калектыўна прагаласаваць за найбольш выгадныя рашэнні.
Нагадаем, лідарская платформа "Каманда будучыні" - праект па пошуку, прасоўванні і навучанні маладых лідараў Беларусі, ва ўзросце ад 18 да 35 гадоў, тэарэтычным і практычным навыкам у сферы лідарства і дзяржаўнага кіравання. Дзякуючы унікальным мерапрыемствам, такім як трэнінгі па майстэрстве публічных выступленняў, развіццю лідарскіх якасцей і тэхналогіям міжасобасных камунікацый, удзельнікі змогуць асвоіць навыкі аратарскага майстэрства, навучыцца весці дзелавыя перагаворы і ўдзельнічаць у дэбатах, пазнаёмяцца з аднадумцамі.
Гродзенскі дзяржаўны ўніверсітэт імя Янкі Купалы