18 чэрвеня адбылося чарговае пасяджэнне Навукова-тэхнічнага савета ГрДУ імя Янкі Купалы.
Папярэдне пасяджэнне НТС, прарэктар па навуковай рабоце Наталля Башун уручыла Ганаровыя дыпломы Студэнцкага навуковага таварыства ўніверсітэта за асаблівыя поспехі ў навуковай дзейнасці выпускнікам ГрДУ імя Янкі Купалы – Анастасіі Наско і Ягору Розмыслу.
Акрамя гэтага дыпломамі першай і другой катэгорыі былі ўзнагароджаны пераможцы Персанальнага конкурсу студэнтаў-даследчыкаў ГрДУ імя Янкі Купалы ў намінацыях "Гуманітарныя навукі" і "Натуральна-тэхнічныя навукі" - Аляксандра Будзько, Ягор Розмысл, Кацярына Станіславовіч і Ганна Музыка.
Падчас працы Навукова-тэхнічнага савета быў заслуханы даклад старшыні СНТ Ульяны Катляр, падчас якога адбылося актыўнае абмеркаванне пытання мер стымулявання навукова-даследчай працы студэнтаў. Па выніках абмеркавання былі ўнесены прапановы па некаторых крытэрыях студэнцкага рэйтынгу ў галіне навукова-даследчай дзейнасці.
Вялікая ўвага таксама была ўдзелена дакладу Андрэя Германа - навуковаму кіраўніку НДР, што выконваецца ў рамках гранта, што фінансуецца за кошт сродкаў Фонду інавацыйнага развіцця ГрДУ імя Янкі Купалы. Абмеркаванне вымяральніка канцэнтрацыі пароў алкаголю "AlcoTarget", распрацаванага падчас выканання дадзенай працы, выклікала ажыўленую дыскусію сярод прысутных, навуковаму кіраўніку паступіла вялікая колькасць пытанняў, на якія былі атрыманы разгорнутыя адказы.
Таксама падчас працы рады былі заслуханыя справаздачы дырэктара РУП «ВНВЦ «Тэхналаб» Аляксандра Васілевіча і начальніка Цэнтра трансферу тэхналогій Алены Апякун аб выніках дзейнасці суб'ектаў інавацыйнай інфраструктуры ўніверсітэта за другі квартал 2024 года.
Гродзенскі дзяржаўны ўніверсітэт імя Янкі Купалы