Сусветная акцыя «Мы чысцім свет» праходзіць штогод з 21 па 27 верасня, а Рэспубліканская экалагічная акцыя «Мы клапоцімся» адбылася 26 верасня. Актуальнасць такіх акцый у апошнія гады асабліва ўзрасла. Купалаўцы вырашылі далучыцца да ініцыятывы і зрабіць свет лепшым.
26 верасня студэнты інжынернага факультэта ГрДУ імя Янкі Купалы прынялі ўдзел у Рэспубліканскім экалагічным мерапрыемстве па ўборцы смецця «Мы клапоцімся». Валанцёры атрада «Адкрытае сэрца» ачышчалі тэрыторыю ўздоўж лесу непадалёк ад чыгункі па вуліцы Лапенкаўскай горада Гродна.
Мерапрыемства накіравана на прыцягненне ўвагі моладзі да сучаснай экалагічнай сітуацыі ў раёнах і гарадах Рэспублікі Беларусь і на прадухіленне траплення адходаў, прыдатных для перапрацоўкі, у навакольнае асяроддзе.
Студэнты з энтузіязмам прыняліся за справу, збіраючы смецце, пластыкавыя бутэлькі, паперу і іншыя адходы, якія наносілі шкоду навакольнаму асяроддзю. Разам яны прыбралі значную колькасць смецця, тым самым зрабіўшы навакольнае асяроддзе больш чыстым і бяспечным для ўсіх жыхароў горада.
Гэтае мерапрыемства стала не толькі важным крокам да захавання экалагічнага балансу, але і выдатнай магчымасцю для студэнтаў праявіць сваю адказнасць перад прыродай і грамадствам. Удзел у такіх ініцыятывах садзейнічае фарміраванню экалагічнай культуры.
Акрамя таго, будучыя інжынеры актыўна ўдзельнічалі ў Сусветнай акцыі «Мы чысцім свет». У гонар гэтай падзеі яны прыбіралі сквер памяці воінаў-афганцаў. Гэта важнае мерапрыемства не толькі павысіла ўзровень экалогіі раёна, але і нагадала аб значэнні памяці і павагі да герояў.
Адзначым, што Сусветная акцыя «Мы чысцім свет» або «Ачысцім планету ад смецця» ўпершыню была праведзена ў верасні 1993 года жыхарамі Аўстраліі, якія чысцілі акіянскія пляжы. Паступова да яе далучыліся грамадзяне многіх краін, і зараз у ёй удзельнічаюць мільёны добраахвотнікаў.
Такія ініцыятывы становяцца сімвалам клопату, салідарнасці і актыўнай грамадзянскай пазіцыі. Чыстая і дагледжаная прырода – гэта агульны здабытак, за якое варта змагацца, каб зберагчы яго для будучых пакаленняў.
Гродзенскі дзяржаўны ўніверсітэт імя Янкі Купалы