Сустрэча купалаўцаў з расійскім журналістам адбылася 28 кастрычніка.
У ліку гасцей на сустрэчы прысутнічалі кіраўнік аддзялення прадстаўніцтва Россупрацоўніцтва ў Рэспубліцы Беларусь г. Гродна Алена Літвішчанка і намеснік кіраўніка прадстаўніцтва Россупрацоўніцтва ў Рэспубліцы Беларусь г. Мінск Аляксандр Ленін.
Удзельнікамі дыялогавай пляцоўкі сталі студэнты факультэта гісторыі, камунікацыі і турызму - будучыя журналісты, спецыялісты ў галіне інфармацыі і камунікацыі, перакладчыкі. Яны змаглі з першых вуснаў даведацца пра журналісцкую «кухню», пра вопыт карэспандэнта, асаблівасці працы ў пуле Прэзідэнта Расійскай Федэрацыі і Міністра замежных спраў Расійскай Федэрацыі.
Выступ Дар'і Ваганавай быў прысвечаны тэме “Практычныя аспекты міжнароднай журналістыкі. Асаблівасці працы з першымі асобамі дзяржавы». Мадэратарам дыялогавай пляцоўкі выступіў дэкан факультэта гісторыі, камунікацыі і турызму Віктар Белазаровіч.
Як зазначыў Віктар Аляксандравіч, сустрэча з прадстаўніком расійскіх сродкаў масавай інфармацыі такога ўзроўню, як Дар'я Ваганава, гэта не толькі цікава, але і вельмі карысна для нашых студэнтаў.
У сваёй прамове Дар'я Ваганава адзначыла, што для яе вялікі гонар знаходзіцца ў Купалаўскім універсітэце і выступаць перад студэнтамі. Як прызналася журналістка, гэта яе першы досвед выступу ў студэнцкай аўдыторыі.
Свой выступ спікер пачала з самапрэзентацыі. Дар'я Ваганава працуе карэспандэнтам французскай рэдакцыі тэлеканала Russia Today, які вяшчае на франкамоўныя краіны Афрыкі. Працуе як у якасці вядучага ў студыі, так і «палявога» рэпарцёра. Асвятляе значныя міжнародныя падзеі, у тым ліку саміты і форумы з удзелам лідараў замежных дзяржаў. Уваходзіць у журналісцкія пулы прэзідэнта Расіі, Міністра замежных спраў Расіі, членаў урада РФ. У дасканаласці валодае французскай, англійскай і іспанскай мовамі. З чырвоным дыпломам скончыла Маскоўскі дзяржаўны лінгвістычны ўніверсітэт (перакладчыцкі факультэт).
Спецыяліст расказала аб рабоце французскай рэдакцыі тэлеканала Russia Today і непасрэдна аб сваёй рабоце ў якасці карэспандэнта. Аўдыторыі быў прадстаўлены відэасюжэт Дар'і Ваганавай на французскай мове падчас працы ў камандзіроўцы на Паўночны Полюс.
Гутарка выклікала жывы водгук аўдыторыі, у студэнтаў да спікера было шмат пытанняў. Яны тычыліся тонкасцяў працы карэспандэнта ў «палявых» умовах, поспеху і няўдач у дзейнасці журналіста, досведу асабістага ўзаемадзеяння з палітыкамі, уражанняў ад саміту БРІКС, які асвятляла Дар'я Ваганава на тэлеканала Russia Today, ды іншых. Госця падрабязна адказвала на кожнае пытанне і дала парады журналістам-пачаткоўцам.
Сустрэча скончылася агульным фатаграфаваннем на памяць.
Гродзенскі дзяржаўны ўніверсітэт імя Янкі Купалы