Сёння, 31 кастрычніка, у рамках візіту Ірына Фёдараўна сустрэлася са старшынёй Ваўкавыскага раённага выканаўчага камітэта Дзмітрыем Захарчуком, з маладымі спецыялістамі Ваўкавышчыны - выпускнікамі Купалаўскага ўніверсітэта, а таксама з калектывам Ваўкавыскага каледжа ГрДУ імя Янкі Купалы.
На сустрэчы з маладымі спецыялістамі абмяркоўваліся ключавыя пытанні падтрымкі моладзі і прафесійных навыкаў. Удзельнікі актыўна абменьваліся меркаваннямі наконт перспектыў працаўладкавання і сацыяльных ініцыятыў для маладых спецыялістаў. Напрыканцы дыялогу моладзь падзялілася сваімі ўражаннямі і прапановамі.
Асаблівую цікавасць выклікала нестандартная форма зносін у Ваўкавыскім каледжы ГрДУ імя Янкі Купалы - шоу "100 пытанняў даросламу". Гэтае захапляльнае мерапрыемства стала працягам традыцыйных сустрэч рэктара Ірыны Кітуркі са студэнцкай моладдзю, якія ідуць на працягу кастрычніка.
Навучэнцы актыўна задавалі пытанні, цікавячыся не толькі навучальным працэсам, але і жыццём рэктара, яго захапленнямі, вопытам і меркаваннем аб розных падзеях. Такі фармат дапамагае стварыць атмасферу даверу і ўмацаваць сувязь.
Важнасць адкрытага дыялога падкрэсліваецца ў рабоце Гродзенскага дзяржаўнага ўніверсітэта імя Янкі Купалы. Развіццё партнёрскіх адносін, у тым ліку са студэнцкай і працуючай моладдзю, з'яўляецца адным з прыярытэтаў працы кіраўніцтва ўніверсітэта.
Гродзенскі дзяржаўны ўніверсітэт імя Янкі Купалы