У лістападзе-лютым 2024/2025 навучальнага года Гродзенскі дзяржаўны ўніверсітэт імя Янкі Купалы праводзіць шматпрофільную ўніверсітэцкую алімпіяду па 7 вучэбных прадметах.
Пераможцы алімпіяды маюць права на залічэнне ў Купалаўскі ўніверсітэт без уступных выпрабаванняў пры паступленні на спецыяльнасць(і), якія адпавядаюць вучэбнаму прадмету профільнай алімпіяды. Алімпіяда пройдзе ў два этапы.
1 этап (папярэдні) пройдзе ў дыстанцыйнай форме з 19 лістапада па 7 снежня 2024 года на лічбавай платформе адукацыйнага партала ўніверсітэта, якая суправаджае кожнага ўдзельніка алімпіяды ад рэгістрацыі асабістага Лічбавага кабінета абітурыента да азнаямлення з вынікамі папярэдняга этапа і далейшага інфармавання аб допуску і ўдзеле этапе алімпіяды (спасылка актыўная на сайце abit.by у раздзеле Шматпрофільная алімпіяда).
Дата правядзення, час пачатку і працягласць кожнай профільнай алімпіяды пазначана на сайце abit.by.
Да пачатку папярэдняга этапа кожнаму ўдзельніку неабходна прайсці рэгістрацыю з прымацаваннем даведкі з установы адукацыі, якая пацвярджае, што ўдзельнік вучыцца ў 11 класе, у Лічбавым кабінеце абітурыента на сайце abit.by.
Вынікі (колькасць набраных балаў) папярэдняга этапу кожнай профільнай алімпіяды публікуюцца не пазней за 10 працоўных дзён пасля яго завяршэння ў асабістым кабінеце ўдзельніка інфармацыйнай сістэмы «Лічбавы кабінет абітурыента».
Усе пытанні можна задаваць арганізатарам у чаце Лічбавага кабінета абітурыента.
2 этап (заключны) пройдзе ў вочнай форме (пісьмовыя заданні) на базе ўніверсітэта (вул. Ажэшкі, 22) 22-23 лютага 2025 года. Да ўдзелу ў заключным этапе дапускаюцца ўдзельнікі, якія паспяхова прайшлі папярэдні этап. Дапускаецца ўдзел толькі ў адной профільнай алімпіядзе.
Колькасць пераможцаў заключнага этапа профільнай алімпіяды складае не больш за 40 працэнтаў ад агульнай колькасці ўдзельнікаў заключнага этапа профільнай алімпіяды з улікам правілаў матэматычнага акруглення.
Пераможцы могуць быць залічаны без здачы ўступных іспытаў толькі ў ГрДУ імя Янкі Купалы і толькі на тыя спецыяльнасці, у інтарэсах якіх праводзілася канкрэтная профільная алімпіяда.
Шматпрофільная алімпіяда ГрДУ – алімпіяда, якая дазволіць табе стаць студэнтам Купалаўскага ўніверсітэта самым першым!
Стань паспяховым разам з Купалаўскім універсітэтам!
Гродзенскі дзяржаўны ўніверсітэт імя Янкі Купалы