Гродзенскі дзяржаўны ўніверсітэт імя Янкі Купалы 11 сакавіка 2016 года наведалі прадстаўнікі Лодзінскага ўніверсітэта.
У склад польскай дэлегацыі ўвайшлі дэкан эканоміка-сацыялагічнага факультэта, прафесар Павел Стараста, дырэктар Інстытута эканомікі эканоміка-сацыялагічнага факультэта, прафесар Яўгеньюш Квяткоўскі, Прэзідэнт Польскай асацыяцыі фінансаў і банкаўскай справы, прафесар Крысціна Пятроўска-Марчака, прафесар эканоміка-сацыялагічнага факультэта Чэслаў Казімеж Даманьскі і доктар кафедры дзяржаўных фінансаў Інстытута фінансаў, банкаўскай справы і страхавання Яраслаў Марчака.
На перамовах ГрДУ імя Янкі Купалы прадставілі прарэктар па вучэбнай рабоце Генадзій Аляксеевіч Гачко, дырэктар Інстытута павышэння кваліфікацыі і перападрыхтоўкі кадраў Святлана Уладзіміраўна Агіевец, намеснік дырэктара па вучэбнай і навукова-метадычнай рабоце Тамара Андрэеўна Бабкіна, дэкан факультэта перападрыхтоўкі спецыялістаў Алена Уладзіміраўна Канцэал, загадчык кафедры канстытуцыйнага права юрыдычнага факультэта Лілія Яраславаўна Абрамчык і начальнік аддзела міжнароднага супрацоўніцтва Вольга Вітальеўна Мінава.
Прыём дэлегацыі праходзіў па праграме ІПК і ПК купалаўскай ВНУ, накіраванай на развіццё супрацоўніцтва ў галіне дадатковай адукацыі дарослых, навукова-даследчай і навукова-метадычнай работы, мабільнасці слухачоў і прафесарска-выкладчыцкага складу.
На сустрэчы бакі праявілі зацікаўленасць у рэалізацыі праектаў па арганізацыі стажыровак як для прафесарска-выкладчыцкага складу ўніверсітэта, так і для работнікаў банкаўскай сістэмы.
У бліжэйшы час Інстытут павышэння кваліфікацыі і перападрыхтоўкі кадраў ГрДУ імя Янкі Купалы накіруе ў Летнюю школу эканоміка-сацыялагічнага факультэта Лодзінскага ўніверсітэта пяць слухачоў эканамічных спецыяльнасцяў для вывучэння вопыту функцыянавання банкаўскай сістэмы Рэспублікі Польшча.
У рамках дзеючай з 2008 года дамовы паміж Гродзенскім дзяржаўным універсітэтам імя Янкі Купалы і Лодзінскім універсітэтам бакі дамовіліся распрацаваць і падпісаць праграму міжнароднага супрацоўніцтва.
- Перспективы взаимовыгодного сотрудничества обсудили представители ГрГУ имени Янки Купалы с коллегами из Польши
- В ГрГУ имени Янки Купалы состоялась встреча сотрудников ИПК и ПК купаловского вуза с представителями Лодзинского университета (Польша)
- На встрече представители Лодзинского университета проявили заинтересованность в реализации проектов по организации стажировок как для профессорско-преподавательского состава вузов, так и для работников банковской системы
- Представители ИПК и ПК ГрГУ имени Янки Купалы выступили с предложениями реализовывать совместные исследовательские проекты
- В ГрГУ имени Янки Купалы состоялась встреча сотрудников ИПК и ПК купаловского вуза с представителями Лодзинского университета
- На двусторонней встрече представители ИПК и ПК ГрГУ имени Янки Купалы познакомились с деятельностью Лодзинского университета
- В конце встречи представители двух высших учебных заведений сделали традиционное фото на память
Гродзенскі дзяржаўны ўніверсітэт імя Янкі Купалы