У Гродзенскім дзяржаўным універсітэце імя Янкі Купалы 22 сакавіка 2016 года прайшоў I этап рэспубліканскага фестывалю творчасці навучэнскай і студэнцкай моладзі «АРТ-вакацыi – 2016».
На суд журы купалаўцы прадставілі танцавальныя, вакальныя і творчыя нумары. Усяго ў першым этапе фестывалю прыняло ўдзел больш за дзвесце таленавітых студэнтаў нашай ВНУ.
Другі (фінальны) этап рэспубліканскага фестывалю творчасці навучэнскай і студэнцкай моладзі «АРТ-вакацыi – 2016» пройдзе 13 красавіка 2016 года. У гэты дзень на міжуніверістэцкіх пляцоўках студэнты ўніверсітэтаў рэспублікі прадэманструюць свае здольнасці ў аглядзе-конкурсе мастацкіх калектываў і індывідуальных выканаўцаў устаноў вышэйшай адукацыі, конкурсах літаратурнай творчасці студэнтаў устаноў вышэйшай адукацыі «Аўтограф» і сучаснай лічбавай творчасці студэнтаў устаноў вышэйшай адукацыі «Арт-партал», інтэрактыўным праекце «Рэцытацыя» і інсайт-праекце «PRO-вакацыі».
Гродзенскі дзяржаўны ўніверсітэт імя Янкі Купалы