Урачыстая цырымонія прайшла сёння, 24 красавіка, у Мінску.
Удзел у цырымоніі ўзнагароджання прынялі рэктар ГрДУ імя Янкі Купалы Ірына Кітурка, прарэктар па вучэбнай працы Юрый Белых, выкладчыкі і студэнты ўніверсітэта.
- Прэмія ўрада Беларусі за дасягненні ў галіне якасці - гэта самая высокая нацыянальная ўзнагарода, якая ўручаецца лепшым арганізацыям нашай краіны, якія дасягнулі значных вынікаў у галіне якасці прадукцыі і паслуг, якія ўкаранілі сучасныя метады менеджменту і інавацыйныя тэхналогіі, - адзначыў Сяргей Румас.
Сяргей Румас падзякаваў прадпрыемствам, якіх узнагароджвалі за сістэмнае прасоўванне якасці ва ўсе сферах дзейнасці, уклад у паляпшэнне эканамічнай сітуацыі ў краіне.
- Сваёй эфектыўнай працай, высокай сацыяльнай адказнасцю вы стымулюеце партнёраў да самаўдасканалення, актыўнай працы ў галіне якасці, выкарыстанню перадавога вопыту і сучасных механізмаў кіравання. Усё гэта ў сваю чаргу спрыяе стабільнаму развіццю Беларусі, захаванню рэсурсаў і навакольнага асяроддзя для цяперашняга і будучых пакаленняў, - сказаў прэм'ер-міністр.
Кіраўнік урада выказаў упэўненасць, што пераможцы конкурсу, атрымаўшы высокую ўзнагароду, працягнуць прытрымлівацца інавацыйнага шляху развіцця.
- Якасць была і застаецца падмуркам моцнай эканомікі як у цэлым краіны, так і кожнага асобна ўзятага прадпрыемства, - рэзюмаваў Сяргей Румас.
Лаўрэатамі конкурсу сталі дзесяць арганізацый: СП ААТ «Брэстгазаапарат», гімназія №1 ім. Я. Карскага (Гродна), КУП «Брэстжылбуд», Канструктарска-тэхнічны цэнтр Беларускай чыгункі, ААТ «БелАЗ» - кіруючая кампанія холдынгу «БЕЛАЗ-Холдынг», ААТ «МАПІД», Тураўскі малочны камбінат, 4-я гарадская клінічная бальніца ім.Н.Саўчанка (Мінск), Беларускі дзяржаўны педагагічны ўніверсітэт ім. М.Танка, Палескі дзяржаўны ўніверсітэт.
Яшчэ 15 арганізацый пацвердзілі званне лаўрэата, атрыманае раней. Сярод іх Універсітэт грамадзянскай абароны МНС, ЗАТ «Атлант», замежнае вытворчае ўнітарнае прадпрыемства «АйБиЭй АйЦі Парк», ТАА «Завод аўтамабільных прычэпаў і кузаваў «МАЗ-Купава»», ТАА «ВА «Энергакамплект», ААТ «БМЗ - кіруючая кампанія холдынгу «БМК», Мазырскі НПЗ, ААТ «Малочны Свет», Рэчыцкі метызны завод, ААТ «Савушкін прадукт», ААТ «Гандальмаш», РУВП «Граніт», СП ЗАТ «Мілавіца», СП ААТ «Спартак», Гродзенскі дзяржаўны ўніверсітэт імя Янкі Купалы. Лаўрэаты, у тым ліку якія пацвердзілі гэтае званне, на працягу трох гадоў могуць выкарыстоўваць выяву эмблемы прэміі ў маркіроўцы тавараў, дакументацыі, а таксама ў рэкламных мэтах. Тры арганізацыі ўдастоены спецыяльных узнагарод. ААТ «БМЗ - кіруючая кампанія холдынгу «БМК» атрымала ўзнагароду ў намінацыі «Лідарства», прадпрыемства «АйБиЭй АйЦі Парк»- у намінацыі «Дасканаласць менеджменту». «Савушкін прадукт» адзначаны ў намінацыі «Сацыяльная адказнасць».
Сёння таксама былі ўручаны нагрудныя знакі «Лідэр якасці», узнагароджаны пераможцы конкурсаў «Лепшы менеджэр па якасці» і «Лепшая дыпломная і навукова-даследчая работа студэнтаў у галіне менеджменту і кантролю якасці», а таксама рэспубліканскага творчага конкурсу на лепшую публікацыю аб якасці і дзелавой дасканаласці. Сярод узнагароджаных конкурсу «Лепшая дыпломная і навукова-даследчая работа студэнтаў у галіне менеджменту і кантролю якасці» - студэнты ГрДУ імя Янкі Купалы Яраслаў Кабылянец, Надзея Качынская, Аляксандра Занеўская і іх навуковыя кіраўнікі - дацэнт кафедры агульнай фізікі Генадзій Васілюк, загадчык кафедры тэхналогіі, фізіялогіі і гігіены харчавання Наталля Башун, дацэнт кафедры эканомікі і кіравання на прадпрыемстве Алена Разава.
Па матэрыялах БелТА
Гродзенскі дзяржаўны ўніверсітэт імя Янкі Купалы