Ганаровымі граматамі ўзнагароджаны выкладчыкі і супрацоўнікі Гродзенскага дзяржаўнага ўніверсітэта імя Янкі Купалы.
За шматгадовае плённае супрацоўніцтва ў падрыхтоўцы юрыдычных кадраў, арганізацыю і правядзенне прафарыентацыйнай працы, выхаванне патрыятызму і актыўнай грамадзянскай пазіцыі і ў сувязі з 30-годдзем Мытнай службы Рэспублікі Беларусь каштоўным падарункам узнагароджаны Кавальчук Андрэй Мікалаевіч, намеснік старшыні Дзяржаўнага мытнага камітэта Рэспублікі Беларусь, дзяржаўны саветнік мытнай службы III рангу.
Граматай Гродзенскага дзяржаўнага ўніверсітэта імя Янкі Купалы за шматгадовую плённую дзейнасць па падрыхтоўцы юрыдычных кадраў, арганізацыю і правядзенне прафарыентацыйнай працы, вучэбнай і вытворчай практык, выхаванне патрыятызму і актыўнай грамадзянскай пазіцыі ўзнагароджаны супрацоўнікі Гродзенскай рэгіянальнай мытні: начальнік паста «Прывалка» Сяргей Мацвееў, начальнік аддзела кадраў і прафесійнай падрыхтоўкі Гродзенскай рэгіянальнай мытні Ілона Хамко, галоўны інспектар аддзела ідэалагічнай работы Гродзенскай рэгіянальнай мытні Юлія Раманюк, галоўны інспектар аддзела мытных расследаванняў Гродзенскай рэгіянальнай мытні, старшы выкладчык кафедры міжнароднага права ГрДУ імя Янкі Купалы Віталь Карвацкі, галоўны інспектар аддзела мытнага афармлення і кантролю №1 мытнага паста «Гродна-2», старшы выкладчык кафедры міжнароднага права ГрДУ імя Янкі Купалы Іна Хілімон.
У рамках Савета ўніверсітэта адбылося таксама ўшанаванне супрацоўнікаў ГрДУ імя Янкі Купалы, якім прысуджана вучоная ступень кандыдата навук. Так, рашэннем савета па абароне дысертацый Прэзідыума Вышэйшай атэстацыйнай камісіі Рэспублікі Беларусь старшаму выкладчыку кафедры машыназнаўства і тэхнічнай эксплуатацыі аўтамабіляў Дзмітрыю Лінніку прысуджана вучоная ступень кандыдата тэхнічных навук, старшаму выкладчыку кафедры фінансаў і бухгалтарскага ўліку Таццяне Селюжыцкай прысуджана вучоная ступень кандыдата эканамічных навук.
Гродзенскі дзяржаўны ўніверсітэт імя Янкі Купалы