Гродненский государственный университет имени Янки Купалы - Адзін дзень з рэктарам. У ГрДУ імя Янкі Купалы прайшла незвычайная акцыя

Нягледзячы на эпідсітуацыю і адсутнасць магчымасці зрабіць масавае свята, ва ўніверсітэце пастараліся стварыць урачыстую атмасферу. Сёння праходзяць мерапрыемствы на факультэтах, а ў кожным з карпусоў студэнты і не толькі атрымалі салодкія падарункі ад кіраўніцтва ўніверсітэта ў рамках акцыі «Святочны торт». Адмысловай неспадзёўкай стала акцыя «Адзін дзень з рэктарам», дзякуючы якой у студэнта 1 курса юрыдычнага факультэта Ягора Галавача і студэнткі 3 курса факультэта мастацтваў і дызайну Ганны Іалоп з'явілася магчымасць пазнаць, як праходзіць працоўны дзень у кіраўніка іх alma mater. Рабяты актыўна праяўляюць сябе ва ўніверсітэцкім жыцці і з'яўляюцца членамі Маладзёжнага парламента пры Нацыянальным сходзе Рэспублікі Беларусь.

Ірына Фёдараўна сустрэлася з рабятамі ў фае галоўнага корпуса, пасля прывітанняў яна запрасіла іх да сябе ў кабінет, дзе адразу ж пачалося абмеркаванне рабочага графіка і планаванне дня. Спраў у рэктара ўніверсітэта заўсёды шмат, таму студэнтаў чакаў насычаны дзень. Каманда адразу ж пачала абмеркаванне свежага выпуску ўніверсітэцкай газеты "Гродзенскі універсітэт".

Узгадненне прайшло паспяхова, газета была адобрана для адпраўлення ў друк, а Ірына Кітурка і студэнты адправіліся на падвядзенне вынікаў фотаконкурсу "Я студэнт". Разам яны павіншавалі пераможцаў, уручылі дыпломы і памятныя падарункі.

Далей юныя купалаўцы разам з рэктарам прынялі ўдзел у Урачыстым адкрыцці II Міжнароднага конкурсу медыя праектаў "Студэнцкая моладзь у сучасным свеце".

У 13.00 пачалася салодкая частка дня з рэктарам - адбылася акцыя "Святочны торт", дзе ўсе жадаючыя маглі пачаставацца прысмакамі і павіншаваць адзін аднаго з Міжнародным днём студэнта. А пасля добрага абеду ў прыемнай кампаніі студэнты і рэктар ізноў вярнуліся да працы.

Штодня Ірына Фёдараўна праглядае карэспандэнцыю, а прыходзіць яе сапраўды шмат, а таксама яна падпісвае заявы. У гэтай важнай справе студэнты таксама дапамагалі рэктару.

У гэты дзень адбылося яшчэ адно важнае ўзнагароджанне. Ірына Фёдараўна разам з Ганнай і Ягорам павіншавалі ўніверсітэцкіх трэнераў студэнцкіх спартыўных каманд, якія прадстаўляюць наш універсітэт і краіну на розных спартыўных арэнах з Днём трэнера.

Урачыстасць прайшла ў навучальным корпусе па вуліцы Захарава, 32. У рамках візіту ў корпус рэктар і студэнты азнаёміліся з ходам рамонтных работ у лёгкаатлетычнай зале, а пасля ў іх была магчымасць зняць напружанне пасля насычанага дня. Валейбольная каманда ўніверсітэта запрасіла Ірыну Фёдараўну і рабят далучыцца да іх трэніроўкі.