30 красавіка ў навукова-тэхналагічным парку ГрДУ імя Янкі Купалы прайшоў фестываль "Фізіка вакол нас", які аб'яднаў больш за 300 удзельнікаў з усіх рэгіёнаў Рэспублікі Беларусь. Арганізатарамі фестывалю выступілі фізіка-тэхнічны факультэт ГрДУ імя Янкі Купалы і Асацыцыя "Образование для будущего".
У рамках фестывалю прайшла юбілейная X навукова-практычная канферэнцыя для школьнікаў "Фізіка вакол нас". Навучэнцы выступілі з дакладамі ў дзвюх тэматычных секцыях: "Фізіка ў прыродзе і ў тэхніцы" і "Камп'ютарнае і тэхнічнае мадэляванне". Паведамленні школьнікаў адрозніваліся глыбінёй тэарэтычнага аналізу, высокай практычнай значнасцю і несумненнай актуальнасцю разгляданых праблем.
Важнай падзеяй для гродзенцаў стала правядзенне 6-га этапа Кубка адукацыйнай робататэхнікі, які адбыўся ў рамках фестывалю "Фізіка вакол нас". Варта адзначыць, што Кубак адукацыйнай робататэхнікі ўключае ў сябе розныя спаборніцкія катэгорыі, якія адпавядаюць напрамкам міжнародных робататэхнічных спаборніцтваў.
г. Гродна было прадстаўлена 16 напрамкаў, у тым ліку праграмуемыя дроны, футбол кіраваных робатаў і Roborace і г.д. Словам, навукова-тэхналагічны парк ГрДУ імя Янкі Купалы стаў пляцоўкай для школьнікаў Беларусі, на якой яны прадэманстравалі свае веды, уменні і навыкі ў STEM-дысцыплінах і абмяняліся досведам у праграмаванні і робататэхнікі.
Гродзенскі дзяржаўны ўніверсітэт імя Янкі Купалы