12 мая ў Нацыянальнай акадэміі навук Беларусі адбыўся маладзёжны форум "Шлях у навуку", арганізаваны сумесна з Міністэрствам адукацыі. У мерапрыемстве ўдзельнічала больш за 300 маладых вучоных, аспірантаў, магістрантаў і студэнтаў вышэйшых навучальных устаноў.
У рабоце форуму прыняў удзел дацэнт кафедры гісторыі Беларусі, археалогіі і спецыяльных гістарычных дысцыплін, старшыня Савета маладых вучоных ГрДУ імя Янкі Купалы Аляксандр Горны.
Мэта навуковай падзеі - актывізацыя ўдзелу маладых людзей у адукацыйнай, навуковай і інавацыйнай дзейнасці, павышэнне эфектыўнасці і ініцыятыўнасці маладых вучоных пры навуковых даследаваннях. Сярод іншага, у ходзе правядзення мерапрыемства быў падпісаны дагавор аб супрацоўніцтве паміж Саветам маладых вучоных НАН Беларусі і Саветам маладых вучоных пры Міністэрстве адукацыі.
Гродзенскі дзяржаўны ўніверсітэт імя Янкі Купалы