Дэлегацыя Гродзенскага дзяржаўнага ўніверсітэта імя Янкі Купалы наведала Кракаўскі педагагічны ўніверсітэт імя Камісіі народнай адукацыі.
Прарэктар па выхаваўчай рабоце нашай ВНУ Васілій Васільевіч Сянько і загадчык кафедры польскай філалогіі Яўгеній Аркадзьевіч Панькоў прынялі ўдзел у святкаванні 70-годдзя Кракаўскага педагагічнага ўніверсітэта імя Камісіі народнай адукацыі. Акрамя таго, адбыўся шэраг рабочых сустрэч, падчас якіх былі ўсталяваныя кантакты з прадстаўнікамі асобных дэлегацый іншых ВНУ і агавораны перспектывы далейшага ўзаемадзеяння паміж ГрДУ імя Янкі Купалы і Кракаўскім універсітэтам.
Нароўні з філалагічным факультэтам, польскіх калег цікавіць супрацоўніцтва з факультэтам біялогіі і экалогіі, факультэтам матэматыкі і інфарматыкі, факультэтам гісторыі, камунікацыі і турызму, а таксама фізіка-тэхнічным факультэтам купалаўскай ВНУ. У бліжэйшы час прадстаўнікі факультэтаў універсітэтаў-партнёраў папярэдне ўзгодняць асноўныя напрамкі ўзаемавыгаднага супрацоўніцтва.
- Делегация ГрГУ имени Янки Купалы была приглашена на празднование 70-летия Краковского педагогического университета имени Комиссии народного образования
- Проректор по воспитательной работе ГрГУ имени Янки Купалы В.В. Сенько поздравил Краковский педагогический университет имени Комиссии народного образования с 70-летием
- К гостям праздника обратились представители ректората Краковского педагогического университета имени Комиссии народного образования
- Краковский педагогический университет имени Комиссии народного образования отметил свое 70-летие
Гродзенскі дзяржаўны ўніверсітэт імя Янкі Купалы