Прадстаўнікі купалаўскага ўніверсітэта падрыхтавалі для ўдзельнікаў і гасцей фестывалю канцэртную праграму і запрасілі пакаштаваць стравы татара-башкірскай кухні.
Супрацоўнікі Цэнтра грамадскага харчавання ГрДУ імя Янкі Купалы гаспадарылі на татара-башкірскім падворку. Для гасцей фестывалю яны падрыхтавалі мноства страў з нацыянальнай кухні: катлеты «Казань», галубцы «Тудма», пірог з начыннем «Кастыбай», трыкутнікі з мясам, эчпочмак, чак-чак, плоў фруктовы.
Студэнты ўніверсітэта прадэманстравалі свае таленты ў рамках канцэрта студэнцкай творчасці «Salut, Bonjour, hello!». Падчас двухгадзіннага выступу на сцэну ў парку імя Жылібера выходзілі творчыя калектывы і сольныя выканаўцы. Сярод артыстаў - студэнты ГрДУ імя Янкі Купалы з Беларусі, Туркменістана, Шры-Ланкі, Кітая і іншых краін. Яны выступілі з нацыянальнымі песнямі і запальнымі танцамі.
Варта адзначыць, што з кожным годам фестываль становіцца маштабней. У гэтым годзе ў ім прынялі ўдзел прадстаўнікі 36 нацыянальнасцяў. Для параўнання: падчас першага фестывалю іх было толькі 11. Па фармаце фестываль не мае аналагаў у свеце. Маштабнае мерапрыемства аб'ядноўвае нацыянальныя меншасці, якія пражываюць на тэрыторыі нашай краіны, спрыяе захаванню нацыянальнай самабытнасці кожнай з іх і дапамагае узаемнаму ўзбагачэнню культур. Да 11-ага Рэспубліканскага фестывалю нацыянальных культур Гродна набыў новыя культурныя аб'екты: устаноўлены скульптуры, адкрыты музей фестывалю нацыянальных культур, перавыдадзены альбом «Беларусь шматнацыянальная».
- В г. Гродно прошел ХІ Республиканский фестиваль национальных культур
- Начался фестиваль с традиционного шествия участников
- Почетными гостями фестиваля стали представители власти
- Студенты и сотрудники Гродненского государственного университета имени Янки Купалы приняли участие в XI Фестивале национальных культур
- Сотрудники Центра общественного питания ГрГУ имени Янки Купалы приготовили блюда татаро-башкирской кухни
- Представители купаловского университета пригласили отведать блюда татаро-башкирской кухни
- Иностранные слушатели факультета довузовской подготовки вместе с преподавателями кафедры русского языка как иностранного и лингвистических дисциплин побывали на ХI Фестивале национальных культур
- Иностранные слушатели факультета довузовской подготовки ГрГУ имени Янки Купалы приняли участие в праздновании XI Фестиваля национальных культур
Гродзенскі дзяржаўны ўніверсітэт імя Янкі Купалы