Загадчык кафедры агульнага і славянскага мовазнаўства філалагічнага факультэта Людміла Васільеўна Рычкова і старшы выкладчык гэтай жа кафедры Алеся Юр'еўна Станкевіч 14 ліпеня наведалі Інстытут літоўскай мовы і Вільнюскі ўніверсітэт.
Падчас візіту прадстаўнікі купалаўскай ВНУ пракансультавалі калегаў з Літвы, расказаўшы ім аб арганізацыі і змесце навучальнага семінара «Дыдактычныя магчымасці нацыянальнага корпуса рускай мовы (corpus-based u corpus-driven learning)». Дарэчы, падобнае навуковае мерапрыемства будзе праведзена супрацоўнікамі ГрДУ імя Янкі Купалы для выкладчыкаў рускай мовы як замежнай розных краін у рамках Міжнароднай навуковай канферэнцыі «Пісьмовая спадчына і інфармацыйныя тэхналогіі» El'Manuscript ў Вільнюсе 22-27 жніўня 2016 года.
Варта адзначыць, што наяўнасць дзеючых дамоваў аб супрацоўніцтве паміж нашым універсітэтам, Інстытутам літоўскай мовы Літоўскай акадэміі навук і Вільнюскім універсітэтам стварае базу для навуковага супрацоўніцтва, у тым ліку ў такой важнай галіне, як захаванне агульнай культурнай спадчыны. Магчымасці менавіта такога ўзаемадзеяння прадстаўнікі нашай ВНУ абмеркавалі з супрацоўнікамі Даследчага цэнтра па захаванні культурнай спадчыны Бібліятэкі Вільнюскага ўніверсітэта.
Бібліятэка Вілбнюскага ўніверсітэта - гэта не толькі сховішча найбагацейшых кніжных калекцый, але і навуковы цэнтр, адным з напрамкаў работы якога з'яўляецца рэстаўрацыя і аблічбоўка рэдкіх выданняў. Найстарэйшы з цяпер дзеючых залаў бібліятэкі, названы ў гонар стваральніка роспісу залы, прафесара жывапісу Вілбнюскага ўніверсітэта Францыска Смуглевіча, выкарыстоўваецца для правядзення розных выстаў, у тым ліку для экспазіцыі рэдкіх выданняў, многія з якіх былі ў розныя стагоддзі існавання ўніверсітэта перададзены ў дар Бібліятэцы прафесурай гэтай ВНУ. Экспазіцыя, з якой мелі магчымасць азнаёміцца загадчык кафедры агульнага і славянскага мовазнаўства філалагічнага факультэта Людміла Васільеўна Рычкова і старшы выкладчык гэтай жа кафедры Алеся Юр'еўна Станкевіч, прысвечана гісторыі навукі і бібліятэказнаўству.
- Общий вид зала Франциска Смуглевича в Библиотеке Вильнюсского университета (Литва)
- Разворот книги «Собрание любопытнейших трудов по математике и механике», своеобразного каталога коллекции известного французского конструктора Николя Гройе (около 1596 – 1689 гг.), составленного внуком этого конструктора, в Библиотеке Вильнюсского университета (Литва)
- Символичный памятник балтийским диалектам, генеалогически тесно связанным с диалектами славянскими. Памятник находится в вестибюле Центра литуанистики, известном фреской «Времена года» работы Петраса Ряпшиса
Гродзенскі дзяржаўны ўніверсітэт імя Янкі Купалы