Святочны канцэрт, падрыхтаваны студэнтамі Гродзенскага дзяржаўнага ўніверсітэта імя Янкі Купалы, стаў завяршальным мерапрыемствам дэкады «Залаты век». У рамках акцыі ў Гродне прайшлі ўрачыстыя мерапрыемствы, прысвечаныя Дню пажылых людзей.
Словы падзякі і пажаданні моцнага здароўя і добрага настрою ў адрас ветэранаў прагучалі ад старшыні Гродзенскага абласнога Савета дэпутатаў, члена Савета Рэспублікі Нацыянальнага сходу Рэспублікі Беларусь Ігара Георгіевіча Жука і старшыні Гродзенскага абласнога савета ветэранаў Івана Фёдаравіча Тустава.
У сценах купалаўскага ўніверсітэта гасцей павітала першы прарэктар Ірына Фёдараўна Кітурка.
- Пражытыя гады - гэта не ўзрост, пражытыя гады - гэта не багаж, пражытыя гады - гэта не ноша. Пражытыя гады - гэта здабытак, - адзначыла Ірына Фёдараўна. - Жадаю вам мудрасці, якую вы штодня перадаеце сваім дзецям і ўнукам, моцнага здароўя, доўгіх гадоў жыцця, поспеху і напаўняць кожны свой дзень бязмежнай любоўю.
Павіншаваў прысутных і старшыня ветэранскай арганізацыі Гродзенскага дзяржаўнага ўніверсітэта імя Янкі Купалы Міхаіл Вікенцьевіч Васілючак.
Для гасцей свята купалаўцы падрыхтавалі насычаную канцэртную праграму. Студэнты выканалі Гімн ветэранаў Рэспублікі Беларусь, а калектыў народнага танца «Купальскі вянок» прадставіў харэаграфічную кампазіцыю «Беларусь адна». З музычнымі віншаваннямі выступілі «народны» мужчынскі вакальны ансамбль «Гарадзенцы», дуэт студэнтаў-баяністаў факультэта мастацтваў і дызайну Максіма Казуленка і Ягора Савіцкага, студэнтка факультэта біялогіі і экалогіі Алена Ашмянчук і студэнтка факультэта мастацтваў і дызайну Ксенія Кніга, выпускнік універсітэта, выкладчык Гуманітарнага каледжа ГрДУ імя Янкі Купалы Яўгеній Захарка і студэнт факультэта матэматыкі і інфарматыкі Мікіта Чубрык. Таксама музычныя кампазіцыі выканалі заслужаны работнік культуры Рэспублікі Беларусь, кавалер ордэна «Знак Пашаны СССР», выдатнік асветы БССР Галіна Мікалаеўна Качалава і салістка студыі «Свет юных зорак» Анастасія Гараева.
Асаблівыя словы і віншаванні ад адміністрацыі, выкладчыкаў і студэнтаў купалаўскага ўніверсітэта былі накіраваныя ў адрас дацэнта юрыдычнага факультэта Віктара Іванавіча Атрэшчанкава і прафесара факультэта матэматыкі і інфарматыкі Лідзіі Уладзіміраўны Кірылюк ў гонар іх 90-годдзя.
- В ГрГУ имени Янки Купалы чествовали ветеранов университета и города
- Слова благодарности и пожелания крепкого здоровья и хорошего настроения в адрес ветеранов прозвучали от председателя Гродненского областного Совета депутатов, члена Совета Республики Национального собрания Республики Беларусь И.Г. Жука
- Добрые пожелания в адрес ветеранов направил председатель Гродненского областного совета ветеранов И.Ф. Тустов
- ГрГУ имени Янки Купалы собрал в своих стенах десятки ветеранов города и университета
- С танцевальным номером перед гостями выступил коллектив народного танца «Купальский венок»
- В адрес ветеранов на вечере прозвучали музыкальные поздравления
- Дуэт студентов-баянистов факультета искусств и дизайна ГрГУ имени Янки Купалы Максима Козуленко и Егора Савицкого произвел приятное впечатление на гостей
- Студентка факультета биологии и экологии Елена Ошмянчук и студентка факультета искусств и дизайна Ксения Книга исполнили попурри на русские народные песни
Гродзенскі дзяржаўны ўніверсітэт імя Янкі Купалы