Графік правядзення цэнтралізаванага тэсціравання (ЦТ) па вучэбных прадметах у 2017 годзе зацверджаны пастановай Міністэрства адукацыі Рэспублікі Беларусь ад 31 сакавіка 2017 г. № 29а.
Тэсціраванне па беларускай мове абітурыенты напішуць 12 чэрвеня, па рускай мове - 14 чэрвеня, па грамадазнаўстве - 16 чэрвеня, па матэматыцы - 18 чэрвеня, па біялогіі - 20 чэрвеня, па замежных мовах (англійская, нямецкая, французская, іспанская, кітайская) - 22 чэрвеня, па хіміі - 24 чэрвеня, па фізіцы - 26 чэрвеня, па гісторыі Беларусі - 28 чэрвеня, па геаграфіі - 30 чэрвеня, па сусветнай гісторыі (найноўшы час) - 2 ліпеня.
Таксама вызначаны пералік вышэйшых навучальных устаноў і каледжаў у якасці пунктаў рэгістрацыі для праходжання цэнтралізаванага тэсціравання, у тым ліку ў рэзервовыя дні, а таксама - пункты правядзення ЦТ.
У рэзервовыя дні цэнтралізаванае тэсціраванне будзе праводзіцца ў Беларускім дзяржаўным універсітэце.
Час працы пунктаў рэгістрацыі: у працоўныя дні - з 9.00 да 19.00, у суботнія дні (13 і 27 мая) - з 9.00 да 18.00.
Зарэгістравацца для праходжання ЦТ у рэзервовыя дні можна з 30 чэрвеня па 3 ліпеня.
Час пачатку ЦТ, у тым ліку ў рэзервовыя дні - 11.00.
Атрымаць сертыфікаты абітурыенты змогуць у пунктах правядзення ЦТ з 10 ліпеня і ў БДУ (рэзервовыя дні) - з 13 ліпеня.
Больш падрабязную інфармацыю аб правядзенні цэнтралізаванага тэсціравання і рэгістрацыі можна даведацца па спасылцы.
Па матэрыялах
інфармацыйнага агенцтва БелТА
Гродзенскі дзяржаўны ўніверсітэт імя Янкі Купалы