На базе Гродзенскага дзяржаўнага ўніверсітэта імя Янкі Купалы з 15 па 25 жніўня арганізаваны міжнародныя трэніровачныя зборы па спартўным праграмаванні. Іх ініцыятарамі выступілі прадстаўнікі міжнароднага праекта «Moscow Workshops ACM ICPC» і Маскоўскага фізіка-тэхнічнага інстытута (МФТІ).
Купалаўскі ўніверсітэт як пляцоўка для правядзення збораў быў абраны не выпадкова. Па словах каардынатара трэнінгу ў Гродне, старшага выкладчыка кафедры матэматычнага і інфармацыйнага забеспячэння эканамічных сістэм Юрыя Сцёпіна, наш горад з'яўляецца адным з цэнтраў падрыхтоўкі студэнтаў да міжнародных спаборніцтваў і адкрытым чэмпіянатам па спартыўным праграмаванні.
У гэтым годзе ГрДУ імя Янкі Купалы прымае 10 каманд з 5 краін: Расіі, Украіны, Узбекістана, Сінгапура і Беларусі. Гэта студэнты з МФТІ, Кіеўскага філіяла расійскага ўніверсітэта, ГрДУ імя Янкі Купалы, Санкт-Пецярбургскага дзяржаўнага ўніверсітэта і ўпершыню удзельнік з Універсітэта Карнегі Меллон, які вырашыў скарыстацца ўнікальнай магчымасцю якаснай падрыхтоўкі да сур'ёзных спаборніцтваў па праграмаванні. Усе ўдзельнікі падзелены на два дывізіёна паводле ўзроўню сваёй падрыхтоўкі ў спартыўным праграмаванні.
–Так, хлопцы, якія ўжо ўдзельнічалі ў спаборніцтвах фармату ACM ICPC, патрапяць у дывізіён "В". Для іх будуць арганізаваны заняткі на англійскай мове. А пачаткоўцы ў свеце алгарытмічных задач будуць вызначаны ў дывізіён «З». Тут заняткі пройдуць на рускай мове, - растлумачыў Юрый Генрыхавіч.
Вучэбная праграма збораў падрыхтавана метадыстамі, якія неаднаразова праявілі сябе ў міжнародных спаборніцтвах па праграмаванні. Сярод іх чатырохразовы прызёр паўфіналу ACM ICPC, фіналіст ACM ICPC 2014 і фіналіст CROC 2013 і Russian Code Cup 2014 Філіп Руховіч і шматразовы прызёр Міжнароднай алімпіяды па інфарматыцы 2010-2012, фіналіст ACM ICPC 2012-2013 Кіна Альсарміні.
–У вучэбную праграму ўваходзяць кантэст, разборы і тэматычныя лекцыі, якія накіраваны на павышэнне ўзроўню ведаў студэнтаў у галіне інфармацыйных тэхналогій і падрыхтоўку хлопцаў да сусветных спаборніцтваў, - падкрэсліў Юрый Сцёпін. - Чакаецца, што ў кастрычніку гэтага года каманды студэнтаў адправяцца на чвэрцьфінал аднаго з прэстыжных чэмпіянатаў - на Міжнародную студэнцкую алімпіяду па праграмаванні ACM ICPC. Па выніках чвэрцьфіналу лепшыя каманды пройдуць у паўфінал, а затым у фінал, які адбудзецца вясной 2018 года. Пераможцы атрымаюць не толькі заслужаныя дыпломы і ўзнагароды, але і прапановы пачаць кар'еру ў найбуйнейшых ІТ-кампаніях свету.
Упершыню такія зборы па праграмаванні на базе Гродзенскага дзяржаўнага ўніверсітэта імя Янкі Купалы прайшлі ў 2015 годзе. Тады трэнінг сабраў студэнтаў ГрДУ імя Янкі Купалы і НІТУ «МІСіС». Ганаровым госцем збораў стаў доктар тэхнічных навук, прафесар, член-карэспандэнт Расійскай акадэміі навук Уладзімір Арлазараў.
Даведка
Moscow Workshops ACM ICPC – праект Цэнтра развіцця ІТ-адукацыі пры МФТІ, у рамках якога штогод арганізуюцца вучэбна-трэніровачныя зборы па спартыўным праграмаванні. Зборы традыцыйна праводзяцца з удзелам каманд з 35 краін Еўропы, Азіі, Амерыкі і Аўстраліі, і колькасць удзельнiкаў універсітэтаў расце з кожным годам. Многія з гэтых каманд становяцца ўдзельнікамі і прызёрамі фіналу чэмпіянату свету па праграмаванні ACM ICPC.
Міжнародная студэнцкая алімпіяда па праграмаванні, або ACM ICPC, праводзіцца з 1977 года і з'яўляецца найбуйнейшым чэмпіянатам па інфарматыцы. Тут студэнтам прапануюць вялікую колькасць складаных задач, якія неабходна вырашыць за параўнальна кароткі прамежак часу.
Чэмпіянат праводзіцца пад эгідай асацыяцыі вылічальнай тэхнікі (ACM). Пачынаючы з 1989 года, арганізацыяй спаборніцтваў займаецца ўніверсітэт Бэйлор (ЗША). У розны час спонсарамі турніру станавіліся такія кампаніі, як Apple, AT & T і Microsoft, аднак з 1997 года да гэтага часу генеральным партнёрам з'яўляецца кампанія IBM.
Лепшым вынікам за ўсю гісторыю ўдзелу студэнтаў-купалаўцаў стаў дыплом другой ступені ў 2014 годзе у паўфінале XIX міжнароднай студэнцкай алімпіяды па праграмаванні Паўночна-Усходняга Еўрапейскага рэгіёну ACM / ICPC.
- В ГрГУ имени Янки Купалы участниками международных тренировочных сборов по спортивному программированию стали студенты из России, Беларуси, Украины, Узбекистана и Сингапура
- Участников сборов поприветствовал координатор тренинга в Гродно, старший преподаватель кафедры математического и информационного обеспечения экономических систем факультета экономики и управления ГрГУ имени Янки Купалы Юрий Степин
- В этом году ГрГУ имени Янки Купалы принимает 10 команд
- Участники сборов в ГрГУ имени Янки Купалы разделены на два дивизиона
- Учебная программа сборов подготовлена методистами, неоднократно проявившими себя в международных соревнованиях по программированию. Среди них четырехкратный призер полуфинала ACM ICPC, финалист ACM ICPC 2014 и финалист CROC 2013 и Russian Code Cup 2014 Филипп Рухович (на фото справа)
Гродзенскі дзяржаўны ўніверсітэт імя Янкі Купалы