Заключныя матчы IV чэмпіянату Гродзенскай вобласці па пляжным футболе 2017 года прайшлі ў Слоніме і сабралі восем каманд.
У гульні за першае месца сустрэліся дзве гродзенскія зборныя: Гродзенскага дзяржаўнага ўніверсітэта імя Янкі Купалы і «ТТSК-Аспер». Нягледзячы на гульню ўнічыю з лікам 2: 2, прадстаўнікі купалаўскага ўніверсітэта занялі першае месца з прычыны больш высокай пазіцыі ў рэгулярным турніры і сталі чэмпіёнамі чацвёртага абласнога першынства гэтага года.
Па выніках турніру былі вызначаны лепшыя гульцы чэмпіянату. Так, лепшымі палявымі гульцамі былі прызнаны два спартсмены ГрДУ імя Янкі Купалы Аляксей Свістаў і Дзмітрый Грыгароўскі, а таксама футбалісты каманды «ШчучынЛесКам» Аляксандр Ануфрык і Дзяніс Лобач. Лепшым варатаром стаў прадстаўнік «ТТSК-Аспер» Зміцер Пшеразінскі, а лепшым бамбардзірам - таксама гулец «ТТSК-Аспер» Аляксандр Сярко. Разам ўдзельнікі абласнога чэмпіянату як эксперыментальная зборная Гродзеншчыны паспрабавалі свае сілы ў розыгрышы Кубка Беларусі, які праходзіў 19-20 жніўня ў Мозыры.
Гродзенскі дзяржаўны ўніверсітэт імя Янкі Купалы