У Любліне абвясцілі лаўрэатаў прэміі «Orły Wprost». Прэмія ініцыяваная ўплывовым польскім часопісам «WPROST» і штогод уручаецца арганізацыям і прадпрыемствам, якія паспяхова праявілі сябе ў сацыяльна-эканамічным і культурным развіцці рэгіёнаў Польшчы.
Сёлета сярод намінантаў прэміі былі ўдзельнікі міжнародных праектаў трансгранічнай міжнароднай праграмы «Польшча-Беларусь-Украіна 2007-2013". Адным з лаўрэатаў прэміі «Orły Wprost» стаў праект «Падарожжа ў этнаказку», створаны і паспяхова рэалізаваны Гродзенскім дзяржаўным універсітэтам імя Янкі Купалы ў 2012-2014 гадах сумесна з партнёрамі - Гудзевіцкім дзяржаўным літаратурна-краязнаўчым музеем, Першай гродзенскай гімназіяй імя акадэміка Е.Ф . Карскага і Сувалкскай агратурыстычнай палатай.
Прэстыжная прэмія была ўрачыста ўручана каардынатару праекта - дацэнту кафедры турызму і культурнай спадчыны Віталію Карнялюку, які адзначыў уклад усіх удзельнікаў, уключаючы выкладчыкаў і студэнтаў факультэта гісторыі, камунікацыі і турызму.
Уручэнне прэміі праекту купалаўскага ўніверсітэта - яшчэ адно пацверджанне значнасці мерапрыемстваў, якія былі здзейснены ў рамках гэтай міжнароднай праграмы па развіцці трансгранічнага турызму на тэрыторыі Гродзенскай вобласці і Сувалкскага субрэгіёну Падляскага ваяводства ў Польшчы.
Даведка
Праект «Падарожжа ў этнаказку» быў накіраваны на павышэнне канкурэнтаздольнасці і турыстычнай прывабнасці трансгранічнага рэгіёна з дапамогай удасканалення маркетынгу тэрыторыі, стварэння аб'ектаў турыстычнага прыцягнення на памежных тэрыторыях, уцягнення этнакультурных рэсурсаў і павышэння кваліфікацыі пастаўшчыкоў турыстычных паслуг. Праект рэалізоўваўся на працягу двух гадоў - з 2012 па 2014 гады - і фінансаваўся Еўрапейскай супольнасцю са сродкаў Еўрапейскага інструмента добрасуседства і партнёрства ў рамках праграмы трансгранічнага супрацоўніцтва «Польшча - Беларусь - Украіна 2007-2013».
Гродзенскі дзяржаўны ўніверсітэт імя Янкі Купалы выступіў галоўнай арганізацыяй праекта. Партнёрамі з'яўляліся Гудзевіцкі дзяржаўны літаратурна-краязнаўчы музей, Першая гарадзенская гімназія імя акадэміка Я.Ф. Карскага і Сувалкская Агратурыстычная палата.
У рамках праекта ўдзельнікі правялі шэраг маркетынгавых, адукацыйных, турысцка-прыкладных мерапрыемстваў, сярод якіх цыкл маркетынгавых мерапрыемстваў па рэкламе і прасоўванні этнакультурных аб'ектаў, турпрадпрыемстваў, якія займаюцца этнакультурным турызмам, на еўрапейскі турыстычны рынак пад брэндам «Падарожжа ў этнаказку», навукова-практычная канферэнцыя па праблемах этнакультурнага турызму і шматлікія трэнінгі.
Па выніках праекта ў Сувалкское субрэгіёне была створаная «Вёска казак», вырабленая якасная рэканструкцыя этнакультурнага турыстычнага аб'екта - Гудзевіцкага дзяржаўнага літаратурна-краязнаўчага музея і этнаграфічнага музея імя Я.Ф. Карскага ў Гродне.
Рэалізацыя праекта дазволіла ўдасканаліць сістэму перападрыхтоўкі і павышэння кваліфікацыі спецыялістаў турызму па кірунку этнакультурнага турызму, распрацаваць анімацыйныя праграмы, этнакультурныя турыстычныя маршруты па трансмежным рэгіёне для наступнага выкарыстання гэтых рэсурсаў у арганізацыі тураў.
З усімі навінамі факультэта гісторыі, камунікацыі і турызму можна азнаёміцца тут.
Гродзенскі дзяржаўны ўніверсітэт імя Янкі Купалы