Напярэдадні Дня інваліда ў рамках акцыі кіраўніцтва і актыў грамадскіх аб'яднанняў купалаўскага ўніверсітэта наведалі дзяцей, якія праходзяць лячэнне ў Гродзенскім абласным цэнтры медыцынскай рэабілітацыі дзяцей-інвалідаў і хворых дзяцей псіханеўралагічнага профілю.
Для дзяцей былі падрыхтаваныя падарункі: развіваючыя гульні, пазлы, канструктары і мазаікі, каляровыя алоўкі, фламастары і акварэльныя фарбы, а таксама сродкі асабістай гігіены.
Ініцыятарам акцыі «Дапаможам разам» з'яўляецца першасная арганізацыя Беларускага Таварыства Чырвонага Крыжа Гродзенскага ўніверсітэта. Дадзеную ініцыятыву актыўна падтрымалі прадстаўнікі пярвічных арганізацый ГА "Беларускі саюз жанчын", "Белая Русь", "Беларускі рэспубліканскі саюз моладзі» і першаснай прафсаюзнай арганізацыі студэнтаў ГрДУ імя Янкі Купалы. Падобныя сумесныя акцыі грамадскіх аб'яднанняў плануецца і далей праводзіць у купалаўскім універсітэце.
Гродзенскі дзяржаўны ўніверсітэт імя Янкі Купалы