19 лютага ў сценах Гродзенскага дзяржаўнага ўніверсітэта імя Янкі Купалы прайшоў урачысты сход, прысвечаны ўшанаванню лепшых студэнтаў-спартсменаў, трэнераў і супрацоўнікаў універсітэта па выніках 2017 года. Мерапрыемства было прысвечана 78-годдзю alma mater.
– Сёння мы ўшаноўваем тых, хто ўнёс неацэнны ўклад у развіццё спорту не толькі ўніверсітэта, але і рэгіёну, вобласці, краіны, - павітала ўдзельнікаў сустрэчы рэктар Ірына Кітурка. - Я хачу сказаць нашым студэнтам-спартсменам вялікі дзякуй, падзякаваць трэнерам, якія ўкладаюць душу ў сваіх выхаванцаў, і супрацоўнікам універсітэта за ўдзел у спартакіядах. Велізарных усім нам дасягненняў, творчых поспехаў, псіхалагічнага камфорту, правільнага настрою і, вядома, перамог!
Мінулы 2017 год быў вельмі насычаны ў плане арганізацыі, правядзення і ўдзелу нашых каманд і спартсменаў у спаборніцтвах рознага ўзроўню. Купалаўцы прынялі ўдзел у 72 міжнародных спаборніцтвах, з якіх 22 - сусветнага ўзроўню і 10 - еўрапейскага, дзе заваявалі 19 залатых, 21 сярэбраны і 14 бронзавых медалёў.
Годна купалаўскія спартсмены выступілі на Рэспубліканскай універсіядзе - 2017. Нашы студэнты занялі 16 прызавых месцаў: рабяты былі першымі ў грэка-рымскай і вольнай барацьбе, самба, міні-футболе і футзале. Чатыры разы падымаліся на другую прыступку пастамента і сем разоў - на трэцюю. Дзякуючы шматлікім дасягненням Гродзенскі дзяржаўны ўніверсітэт імя Янкі Купалы стаў другім па выніках Рэспубліканскай універсіяды, саступіўшы першынства профільнаму ўніверсітэту - БДУФК.
Падчас урачыстага сходу рэктар універсітэта Ірына Кітурка ўручыла Граматы спартсменам універсітэта. Сярод іх пераможца спаборніцтваў па скачках з шастом Сусветнай універсіяды ў Тайбэі Ірына Жук, чэмпіён свету па тайландскім боксе Уладзіслаў Ядэшка, шматразовы прызёр рэспубліканскіх спаборніцтваў па бегу Ян Слома, уладальніца залатога медаля чэмпіянату Беларусі па дзюдо Ксенія Даніловіч і многія іншыя.
Асобна быў адзначаны трэнерскі склад. Ганаровых грамат упраўлення спорту і турызму Гродзенскага аблвыканкама за асабісты ўклад у развіццё студэнцкага спорту ў Гродзенскай вобласці, высокі прафесіяналізм і ініцыятыўнасць у працы былі ўдастоены загадчык кафедры спартыўных гульняў Аляксандр Бардзін, дацэнт кафедры спартыўных дысцыплін Эдвард Ародзь, старэйшыя выкладчыкі кафедры фізічнага выхавання і спорту Станіслаў Лісоўскі і Вольга Паўлюць.
Больш за тое, па выніках конкурсу, праведзенага кіраваннем спорту і турызму Гродзенскага абласнога выканаўчага камітэта, лепшым трэнерам Гродзеншчыны прызнаны загадчык кафедры фізічнага выхавання і спорту Вячаслаў Максімовіч, а лепшым спартсменам - студэнт 4 курса факультэта фізічнай культуры Радзік Куліеў.
Пасведчанні майстра спорту міжнароднага класа, майстра спорту Рэспублікі Беларусь і кандыдата ў майстры спорту студэнтам факультэта фізічнай культуры ўручыла чэмпіёнка 18-ых Алімпійскіх гульняў, заслужаны трэнер Рэспублікі Беларусь, заслужаны Майстар спорту, шасціразовая чэмпіёнка СССР па спартыўнай гімнастыцы, Ганаровы грамадзянін горада Гродна Алена Цюнянкова. Сярод узнагароджаных удзельніца спаборніцтваў па плаванні Наталля Чудзіна, прызёры спаборніцтваў па вольнай барацьбе Андрэй Салавей і Сабіна Цан, удзельнік турніраў па грэка-рымскай барацьбе Нарэк Адамян, пераможца абласных спаборніцтваў па спартыўным арыентаванні Віялета Чуйкова. Усяго ў 2017 годзе адпаведныя нарматывы выканаў 21 студэнт.
Варта таксама адзначыць, што кожны год у ГрДУ імя Янкі Купалы праводзіцца круглагадовая спартакіяда сярод факультэтаў па 14 відах спорту. Студэнты актыўна падключаюцца да ўдзелу ў спаборніцтвах і імкнуцца праславіць свой факультэт. У 2017 годзе пераможцам спартакіяды прызнаны юрыдычны факультэта, другое месца ў факультэта матэматыкі і інфарматыкі, трэцяе - у інжынерна-будаўнічага факультэта. Узнагароды дэканам факультэтаў і трэнерам студэнтаў уручыў прарэктар па выхаваўчай працы Васілій Сянько.
Не адстаюць ад студэнтаў і работнікі ВНУ, якія ўдзельнічаюць у гарадской круглагадовай спартакіядзе. У гэтым годзе каманда факультэта фізічнай культуры стала лепшай, а зборная купалаўскага ўніверсітэта паднялася на другую прыступку п'едэстала. Пераходзячыя кубкі прадстаўнікам каманд уручыў першы прарэктар Алег Раманаў. Найбольш актыўным работнікам ГрДУ імя Янкі Купалы на сустрэчы была аб'яўлена падзяка рэктара і ўручаны Граматы ўніверсітэта за прафесійную падрыхтоўку спартсменаў высокага класа, асабісты ўдзел у спартыўна-масавых мерапрыемствах і прапаганду здаровага ладу жыцця.
Таксама падзячныя лісты за ўклад у развіццё ўзаемадзеяння і за садзейнічанне ў падрыхтоўцы спартсменаў высокага класа ў рамках вечара перадалі дырэктару Гродзенскага абласнога комплекснага цэнтра алімпійскага рэзерву Андрэю Бойша, дырэктару Гродзенскага дзяржаўнага вучылішча алімпійскага рэзерву Тадэвушу Калошычу, трэнеру-выкладчыку па цяжкай атлетыцы Гродзенскага абласнога комплекснага цэнтра алімпійскага рэзерву Генадзію Куроўскаму, трэнеру-выкладчыку па лёгкай атлетыцы Гродзенскай абласной СДЮШАР прафсаюзаў «Нёман» Юрыю Кавальчуку і галоўнаму трэнеру валейбольнага клуба «Легіён» Аляксею Гедройцю.
Спадзяемся, што 2018 год для Гродзенскага ўніверсітэта з пункту гледжання спартыўных дасягненняў стане больш паспяховым і плённым.
- Об основных итогах спортивной деятельности университета в 2017 году рассказал начальник спортивного клуба Кирилл Акулич
- На спортивный вечер были приглашены лучшие спортсмены ГрГУ имени Янки Купалы, их тренеры, деканы факультетов, руководители структурных подразделений и представители организаций и учреждений, которые сотрудничают с купаловским университетом в сфере спорта
- Приветствовала собравшихся ректор ГрГУ имени Янки Купалы Ирина Китурко
- Во время вечера Ирина Фёдоровна вручили грамоты спортсменам, тренерам и представителям организаций и учреждений, которые сотрудничают с купаловским университетом в сфере спорта
- Ценным подарком был отмечен лучший тренер Гродненщины по итогам 2017 года, Заслуженный тренер СССР и БССР, заведующий кафедрой физического воспитания и спорта Вячеслав Максимович
- Удостоверения мастера спорта международного класса, мастера спорта Республики Беларусь и кандидата в мастера спорта студентам факультета физической культуры вручила чемпионка 18-ых Олимпийских игр, заслуженный тренер Республики Беларусь, заслуженный Мастер спорта, шестикратная чемпионка СССР по спортивной гимнастике, Почетный гражданин города Гродно Елена Тюненкова
- Победителям и призерам круглогодичной спартакиады ГрГУ имени Янки Купалы награды вручил проректор по воспитательной работе Василий Сенько
- Победителям и призерам круглогодичной спартакиады ГрГУ имени Янки Купалы награды вручил проректор по воспитательной работе Василий Сенько
- Победителям и призерам круглогодичной спартакиады ГрГУ имени Янки Купалы награды вручил проректор по воспитательной работе Василий Сенько
- Также Василий Васильевич вручил благодарности студентам, принимавшим активное участие в круглогодичной спартакиаде университета
- Первый проректор Олег Романов вручил представителям ГрГУ имени Янки Купалы переходящие кубки городской спартакиады среди работников высших учебных заведений
Гродзенскі дзяржаўны ўніверсітэт імя Янкі Купалы