Трохдзённую праграму для навучэнцаў 8-10 класаў арганізавалі на факультэце матэматыкі і інфарматыкі.
За тры дні школьнікі даведаюцца больш аб кампутарных навуках і тэхналогіях ад выкладчыкаў факультэта матэматыкі і інфарматыкі і супрацоўнікаў ІТ-кампаній. У прыватнасці, дзецям раскажуць пра блокчэйн і крыптавалюты, нейронныя сеткі, базы дадзеных, асновы робататэхнікі, дапоўненай рэальнасці і элементарнай верагоднасці.
Акрамя таго, навучэнцы школ у рамках ІТ-канікул будуць вучыцца ў сучасных універсітэцкіх аўдыторыях, наведаюць філіял Парку высокіх тэхналогій, Адукацыйны цэнтр Парку высокіх тэхналогій, даведаюцца, як і дзе працуюць праграмісты, пабываўшы ў некалькіх Гродзенскіх ІТ-кампаніях.
Азнаёміцца з праграмай ІТ-канікул можна на сайце факультэта матэматыкі і інфарматыкі.
Гродзенскі дзяржаўны ўніверсітэт імя Янкі Купалы