Кандыдат юрыдычных навук, дацэнт кафедры міжнароднага права Аксана Шупіцкая і старшы выкладчык кафедры тэорыі і гісторыі дзяржавы і права Людміла Кеўляк прынялі ўдзел у міжнароднай сустрэчы.
Супрацоўнікі ГрДУ імя Янкі Купалы абмеркавалі з прадстаўнікамі Універсітэта ў Піцешці тэму ўзаемадзеяння прафесарска-выкладчыцкага складу і студэнтаў універсітэта ў Піцешці (Рэспубліка Румынія) і Гродзенскага дзяржаўнага ўніверсітэта імя Янкі Купалы ў рамках праграмы акадэмічнай мабільнасці Erasmus +.
Падчас візіту Аксана Шупіцкая прачытала курс лекцый для студэнтаў факультэта права і эканомікі ва Універсітэце ў Піцешці (Румынія) па дысцыпліне «Канстытуцыйнае права» пра сутнасць і каштоўнасці Канстытуцыі, сутнасці канстытуцыяналізму, канстытуцыйна-прававога статусу чалавека і сістэмы дзяржаўных органаў Рэспублікі Беларусь. Людміла Кеўляк пазнаёміла студэнтаў з асаблівасцямі развіцця інфармацыйных адносін у Рэспубліцы Беларусь, развіццём лічбавай эканомікі ў Рэспубліцы Беларусь і крыптавалюты, станам і перспектывамі развіцця беларускага інфармацыйнага заканадаўства.
У рамках праграмы мабільнасці адбыліся сустрэчы з прадстаўнікамі адміністрацыі факультэта эканомікі і права, а таксама выкладчыкамі факультэта, падчас якіх бакі абмяняліся вопытам арганізацыі вучэбнай і навуковай працы ў сваіх універсітэтах, таксама быў наладжаны абмен інфармацыяй аб канферэнцыях, семінарах і вебінарах. Студэнты факультэта эканомікі і права даведаліся пра магчымасці атрымання адукацыі ў Гродзенскім дзяржаўным універсітэце імя Янкі Купалы.
На сустрэчах з прафесарска-выкладчыцкім складам абмяркоўваліся перспектывы і магчымасці далейшага ўзаемадзеяння ў сферы акадэмічнай мабільнасці супрацоўнкаў. Бакі плануюць удзел у семінарах, лекцыях, вебінарах, канферэнцыях, форумах і іншых мерапрыемствах студэнтаў і прафесарска-выкладчыцкага складу.
Гродзенскі дзяржаўны ўніверсітэт імя Янкі Купалы