Форум пройдзе з 21 па 23 верасня. Мерапрыемства арганізавана сумесна з Італьянскім дабрачынным фондам «Дапаможам ім жыць».
У гэтым годзе Гродзенскі дзяржаўны ўніверсітэт імя Янкі Купалы прыме студэнцкі форум, удзельнікамі якога стануць больш за сто студэнтаў беларускіх універсітэтаў, а таксама прадстаўнікі фонду.
Пачнецца форум 21 верасня. Яго ўдзельнікаў пазнаёмяць з агляднай экскурсіі па ўніверсітэце і ўрачыстага адкрыцця мерапрыемства. У рамках першага дня пройдзе прадстаўленне складу рабочых груп і вызначэнне ім конкурснага задання, а таксама дыскусія і вечар дружбы.
22 верасня адбудзецца выступленне прэзідэнта Італьянскага дабрачыннага Фонду «Дапаможам ім жыць» Фабрыцыо Пачыфічы, прэзентацыя і абмеркаванне распрацаваных праектаў, дабрачынны кірмаш і акцыя «Свята дзяцінства» у парку імя Жылібера, італьянская вячэра і дабрачынны канцэрт гурта «Radiance».
У праграме форуму запланаваны абмен досведам па хвалюючых моладзь праблемах і праца трох дыскусійных пляцовак, на якіх будуць закрануты праблемы фарміравання інтэрнэт-залежнасці ў моладзі, прафесійнага самавызначэння і цяжкасці першага працоўнага месца.
У дзень закрыцця, 23 верасня, для ўдзельнікаў форуму запланавана экскурсійная праграма па Гродна, падвядзенне вынікаў дабрачыннага кірмашу і ўручэнне сабраных сродкаў дырэктару Васілішкаўскага дома-інтэрната для дзяцей-інвалідаў з асаблівасцямі псіха-фізічнага развіцця.
Падрабязнае расклад мерапрыемстваў можна знайсці у праграме форуму «Студэнцкія сустрэчы - 2018».
Даведачна
Гродзенскі дзяржаўны ўніверсітэт імя Янкі Купалы актыўна супрацоўнічае з італьянскім дабрачынным фондам «Дапаможам ім жыць». На працягу 20 гадоў у Рэспубліцы Беларусь фонд рэалізуе праект «Усынаўленне на адлегласці», у рамках якога матэрыяльна падтрымліваюцца сацыяльна неабароненыя студэнты дзевяці ВНУ, у тым ліку і нашага ўніверсітэта.
Штогод італьянскім дабрачынным фондам арганізоўваўся Студэнцкі форум. У рамках форуму праводзіцца конкурс «Лепшы студэнт года», у якім неаднаразова атрымлівалі перамогу студэнты нашага ўніверсітэта.
Гродзенскі дзяржаўны ўніверсітэт імя Янкі Купалы