Падаць заяўкі для ўдзелу ў конкурсе энергічнасці, актыўнасці, ініцыятыўнасці можна да 21 верасня. Фінальны этап конкурсу, у рамках якога выберуць лепшага студэнта ГрДУ імя Янкі Купалы, адбудзецца 31 кастрычніка.
Так, у рамках завочнага этапу пройдзе конкурс партфоліа «Мой свет», конкурс на лепшы праект «Моладзевая ініцыятыва» і конкурс камедыйных відэаролікаў «Я - студэнт».
Падчас фіналу купалаўцы раскажуць усім пра свае захапленні і дасягненні ў конкурсе самапрэзентацыі «Візітная картка», прадэманструюць навыкі тэхнікі і культуры маўлення, арыгінальнасць падачы інфармацыі, крэатыўнасць і ўменне кантактаваць з аўдыторыяй у конкурсе аратарскага майстэрства і раскрыюць свой творчы патэнцыял у конкурсе «Беларусь - наш агульны дом». Таксама ў рамках фіналу выберуць лепшую групу падтрымкі ўніверсітэта.
Стаць удзельнікам конкурсу могуць студэнты 2-4 курсаў з сярэднім балам не менш як 8,0. Прэтэндэнт на званне пераможцы павінен мець дасягненні ў навукова-даследчай, грамадскай дзейнасці, спартыўным, культурным жыцці, творчасці. Варта адзначыць, што ўдзельнік не можа быць пераможцам папярэдніх конкурсаў «Студэнт года».
Вынікі конкурсу будуць падведзены па выніках сумы балаў за ўсе этапы конкурсу.
Заяўку на ўдзел у конкурсе неабходна падаць да 21 верасня па адрасе: вул. Ажэшка, 22, аўд. 224.
Дадатковую інфармацыю можна атрымаць ва Упраўленні выхаваўчай работы з моладдзю па тэлефоне 73 19 86 або e-mail uvr@grsu.by.
Гродзенскі дзяржаўны ўніверсітэт імя Янкі Купалы