Удзел у мерапрыемстве прымуць прадстаўнікі 25 школ Гродзенскай вобласці.
У рамках Фестывалю навучэнцы і выкладчыкі змогуць пагутарыць са студэнтамі і кіраўніцтвам універсітэта і факультэта, даведваюцца пра гісторыю ГрДУ імя Янкі Купалы. Галоўнай падзеяй сустрэчы стане конкурс каманд педагагічных класаў, які складаецца з двух этапаў. Падчас першага этапу ўдзельнікі прадэманструюць відэапрэзентацыі, падрыхтаваныя імі загадзя. Другім стане конкурс творчых заданняў па педагогіцы і псіхалогіі. Для ўдзельнікаў таксама будуць праведзены круглы стол і экскурсія па галоўным корпусе ўніверсітэта.
Мерапрыемствы арганізаваны педагагічным факультэтам ГрДУ імя Янкі Купалы сумесна з галоўным упраўленнем адукацыі Гродзенскага абласнога выканаўчага камітэта і прымеркаваны да святкавання 60-годдзя заснавання педагагічнага факультэта Гродзенскага дзяржаўнага ўніверсітэта імя Янкі Купалы. На думку арганізатараў, Фестываль будзе спрыяць павышэнню прэстыжу педагагічнай прафесіі сярод моладзі.
Фестываль педагагічных класаў адбудзецца 6 кастрычніка 2018 года ў 10.00 па адрасе: г. Гродна, вул. Леніна, 32 (актавая зала).
Гродзенскі дзяржаўны ўніверсітэт імя Янкі Купалы