Андрэй Сямашка прызначаны на пасаду дырэктара Лідскага каледжа, Галіна Зялік - на пасаду дырэктара Ваўкавыскага каледжа.
Галіна Зялік пачынала сваю працоўную дзейнасць у якасці настаўніка рускай мовы і літаратуры Палонкаўскай сярэдняй школы Свіслацкага раёна Гродзенскай вобласці. Затым працавала настаўнікам рускай мовы і літаратуры вячэрняй школы №1 г. Ваўкавыска, намеснікам дырэктара па вучэбна-выхаваўчай рабоце вячэрняй школы №1 г. Ваўкавыска, настаўнікам рускай мовы і літаратуры сярэдняй школы №7 г. Ваўкавыска, метадыстам па вучэбных дысцыплінах метадычнага кабінета кіравання адукацыі, г. Ваўкавыск. З 2012 года і па цяперашні час працавала намеснікам дырэктара па выхаваўчай і ідэалагічнай працы Ваўкавыскага каледжа ГрДУ імя Янкі Купалы.
Дырэктар Лідскага каледжа Андрэй Сямашка пачынаў свой працоўны шлях настаўнікам фізікі сярэдняй школы №8 г. Ліды. У Лідскім каледжы працуе з 1999 года. Больш за 15 гадоў займаў пасаду намесніка дырэктара па выхаваўчай працы. З 2014 года і па цяперашні час працаваў выкладчыкам спецдысцыплін Лідскага каледжа.
Гродзенскі дзяржаўны ўніверсітэт імя Янкі Купалы