У склад дэлегацыі ўвайшлі магістранты, дактаранты і выкладчыкі Універсітэта «Туран» (г. Алматы, Рэспубліка Казахстан).
У рамках візіту адбылася сустрэча прадстаўнікоў універсітэта «Туран» з дэканам юрыдычнага факультэта Святланай Чабуранавой. Бакі абмеркавалі перспектывы далейшага супрацоўніцтва па пытаннях акадэмічнай мабільнасці студэнтаў, магістрантаў, выкладчыкаў. Госці прынялі ўдзел у вебінары з прафесарска-выкладчыцкім складам юрыдычнага факультэта і факультэта гісторыі, камунікацыі і турызму, наведалі майстар-клас па напісанні навуковых артыкулаў у рэйтынгавых часопісах з выкарыстаннем сістэмы відэаканферэнцсувязі.
Акрамя гэтага прадстаўнікі ўніверсітэта «Туран» прадставілі свае даклады ў XXI міжнароднай навукова-практычнай канферэнцыі «Тэндэнцыі развіцця юрыдычнай навукі і практыкі ўдасканалення прававых інстытутаў ва ўмовах фарміравання інавацыйнага грамадства», а таксама наведалі навукова-метадычны семінар з выкарыстаннем відэаканферэнцсувязі з прафесарска-выкладчыцкім складам юрыдычнага факультэта па пытаннях прымянення інавацыйных адукацыйных тэхналогій у навучальным працэсе.
Падчас свайго візіту на юрыдычны факультэт студэнты казахскага Універсітэта «Туран» прынялі ўдзел у VI міжнароднай алімпіядзе па міжнародным праве, наведалі заняткі студэнтаў спецыяльнасцяў "Міжнароднае права", "Правазнаўства", «Эканамічнае права», «Мытная справа». Госці Рэспублікі Казахстан таксама азнаёміліся з навуковай бібліятэкай універсітэта і са славутасцямі горада Гродна.
Ініцыятарам арганізацыі стажыроўкі для студэнтаў і прафесарска-выкладчыцкага складу Універсітэта «Туран» выступіла кафедра крымінальнага права, крымінальнага працэсу і крыміналістыкі.
Па заканчэнні стажыроўкі прадстаўнікам універсітэта «Туран» былі ўручаны сертыфікаты.
Гродзенскі дзяржаўны ўніверсітэт імя Янкі Купалы