Пытанні супрацоўніцтва ў галіне навуковых даследаванняў і міжнароднага абмену студэнтамі абмеркавалі на сустрэчы кіраўніцтва купалаўскага ўніверсітэта з прадстаўнікамі Сіаньскага транспартнага ўніверсітэта Цзяотун.
Вітаючы гасцей ад імя рэктара ўніверсітэта Ірыны Кітурка, прарэктар па вучэбнай працы Юрый Белых адзначыў, што ГрДУ імя Янкі Купалы вядзе актыўны міжнародны дыялог з многімі замежнымі арганізацыямі і ВНУ, адным з прыярытэтных напрамкаў якога з'яўляецца развіццё міжнароднага супрацоўніцтва ў галіне акадэмічнага абмену і сумеснай падрыхтоўкі студэнтаў .
Падчас сустрэчы гасцям прадставілі інфармацыю аб структуры ўніверсітэта, спецыяльнасцях і навуковых распрацоўках купалаўскага ўніверсітэта. Больш падрабязна пра гэта і магчымыя напрамкі сумеснага супрацоўніцтва распавялі дэканы факультэтаў ГрДУ імя Янкі Купалы - фізіка-тэхнічнага факультэта, юрыдычнага факультэта, факультэта інавацыйных тэхналогій машынабудавання, інжынерна-будаўнічага факультэта.
У сваю чаргу калегі з Кітая прэзентавалі прыярытэтныя напрамкі развіцця Сіаньскага транспартнага ўніверсітэта. Сярод іх - энергетыка, інжынерыя, матэматычная, фізічная навука і іншыя.
Спадар Сун Юйсян, выконваючы абавязкі намесніка дэкана Школы міжнароднай адукацыі, адзначыў, што Сіаньскаму транспартнаму ўніверсітэту перш за ўсё цікава супрацоўнічаць з Гродзенскім дзяржаўным універсітэтам імя Янкі Купалы ў галіне навуковых даследаванняў, а таксама ў сферы сумеснай падрыхтоўкі студэнтаў.
Кітайскі бок запрасіў студэнтаў ГрДУ імя Янкі Купалы прайсці навучанне ў Летняй школе кітайскай мовы Сіаньскага транспартнага ўніверсітэта, а таксама для навучання ў магістратуры. Акрамя таго, прагучала прапанова для ГрДУ імя Янкі Купалы ўвайсці ў асацыяцыю ўніверсітэтаў і кансалтынгавых кампаній краін Шаўковага Шляху.
Для гасцей правялі экскурсію па ўніверсітэце і зрабілі фота на памяць.
.
Гродзенскі дзяржаўны ўніверсітэт імя Янкі Купалы