Студэнты юрыдычнага факультэта ГрДУ імя Янкі Купалы наведваюць дзіцячыя сады і праводзяць навучальныя заняткі з дзецьмі старэйшага дашкольнага ўзросту па правілах дарожнага руху.
Акцыя «Дзеці, увага!» - гэта сумесны праект ДАІ УУС Гродзенскага аблвыканкама і юрыдычнага факультэта Гродзенскага дзяржаўнага ўніверсітэта імя Янкі Купалы. Студэнты і выкладчыкі распрацавалі эксклюзіўныя праграмы тэатралізаваных выступленняў, з дапамогай якіх у даступнай форме распавядаюць дзецям у дзіцячых садках аб правілах дарожнага руху.
Праект стартаваў 15 красавіка і будзе доўжыцца да 26 красавіка. Студэнты праводзяць інтэрактыўныя гульні, распавядаюць малышам, як правільна пераходзіць дарогу, што нельга рабіць на праезнай частцы, дзе можна ісці, а дзе - не. Дарэчы, рабяты змогуць паўтараць усё, што даведаліся, - кожны дзіцячы сад атрымае набор дарожных знакаў.
У рамках акцыі студэнты плануюць наведаць больш за 40 дашкольных устаноў, размешчаных у Ленінскім раёне г. Гродна.
Гродзенскі дзяржаўны ўніверсітэт імя Янкі Купалы