Заключнае мерапрыемства фестывалю адбылося 25 красавіка.
Гродзенскія студэнты і школьнікі сталі ўдзельнікамі фестывалю дзіцячай кнігі, які ўжо другі раз праводзіць кафедра рускай філалогіі ГрДУ імя Янкі Купалы. Мэта фестывалю - развіццё і падтрымка цікавасці да чытання, папулярызацыя дзіцячай літаратуры, а таксама ўмацаванне сувязяў паміж універсітэтам і школай.
Фестываль праводзіўся ў два этапы. У рамках першага этапу прайшлі паэтычнае ток-шоу з удзелам гродзенскіх паэтаў, якія пішуць для дзяцей, Таццяны Сучковай, Вікторыяй Смолка і Вольгай Агапонавай, а таксама майстар-клас з мінскай пісьменніцай Надзеяй Ясмінскай, аўтарам аповесцяў і казак для дзяцей і падлеткаў. Другі этап фестывалю прайшоў у форме літаратурнага КВЗ пад дэвізам «Вецер пераменаў: дзіцячая літаратура ўчора і сёння». У ім узялі ўдзел каманды філалагічнага і педагагічнага факультэтаў ГрДУ, Гуманітарнага каледжа ГрДУ імя Янкі Купалы і сярэдняй школы № 38.
У рамках мерапрыемства камандам былі прапанаваны разнастайныя конкурсы: прадставіць сучасную інтэрпрэтацыю вядомага твора для дзяцей, падрыхтаваць рэкламны відэаролік «Топавая пяцёрка дзіцячых кніг», прыняць удзел у літаратурным двубоі капітанаў і іншыя.
Па выніках конкурсу 1-е месца заваявала каманда Гуманітарнага каледжа ГрДУ, 2-е месца ў каманды філалагічнага факультэта, 3-е месца падзялілі каманды педагагічнага факультэта і СШ № 38. Усе ўдзельнікі атрымалі падарункі - флэш-карты, каманды-пераможцы - плэеры. У асабістай намінацыі «Лепшы капітан» перамагла студэнтка 1 курса педагагічнага факультэта Юлія Шчэрба і атрымала у падарунак планшэт.
Для ўдзельнікаў і гасцей фестывалю ў фае былі арганізаваны кніжная выстаўка «Дзіцячыя кнігі-юбіляры», тэматычная выстава дзіцячых малюнкаў, святочная фотазона, дзе можна было сфатаграфавацца на памяць з любімымі героямі дзіцячых кніг.
Варта адзначыць, што распрацоўку канцэпцыі фестывалю, падрыхтоўку і арганізацыю ўсіх яго мерапрыемстваў ажыццяўляла дацэнт кафедры рускай філалогіі Ірына Банах.
Нагадаем, фестываль - адно з мерапрыемстваў праграмы «Руская літаратура як фактар аб'яднання сучаснага свету» - праводзіўся пры падтрымцы фонду «Рускі свет».
Гродзенскі дзяржаўны ўніверсітэт імя Янкі Купалы