Візіт адбыўся ў рамках праграмы Erasmus +.
Прафесар Мацей Гузнічак правёў лекцыйныя і практычныя заняткі па дысцыпліне «Асновы графікі» студэнтам 2 курсу спецыяльнасцяў «Выяўленчае мастацтва і камп'ютарная графіка» і «Дызайн (графічны)».
На лекцыйных занятках былі расказаны і прадэманстраваны, на прыкладзе курсавых і дыпломных работ студэнтаў, як класічныя, так і інавацыйныя метады, спосабы і тэхнічныя прыёмы працы ў галіне станковай графікі. Падчас правядзення практычных заняткаў студэнты выканалі шэраг заданняў у тэхніцы манатыпія.
Падчас візіту прафесар Мацей Гузнічак пазнаёміў студэнтаў і выкладчыкаў факультэта мастацтваў і дызайну з навучальнымі, навуковымі і творчымі працэсамі, а таксама з тымі ўмовамі, у якіх навучаюцца студэнты і магістранты мастацка-педагагічнага факультэта Пазнанскага ўніверсітэта ім. А. Міцкевіча. У сваю чаргу, прадстаўнікі ГрДУ імя Янкі Купалы расказалі аб навуковым і навучальным патэнцыяле ўніверсітэта, а таксама аб дасягненнях купалаўцаў у навуцы і творчасці.
Гродзенскі дзяржаўны ўніверсітэт імя Янкі Купалы